Նիդերլանդների խորհրդարանը ՀՀ պահանջով բոյկոտել է ՈւԵՖԱ-ի խաղը Բաքվում

PanARMENIAN.Net - Նիդերլանդների խորհրդարանը բոյկոտել է Բաքվում կայանալիք ՈւԵՖԱ-ի ֆուտբոլային հանդիպումը՝ արձագանքելով ՀՀ պահանջին։ Այդ մասին հայտնել է Նիդերլանդների հայկական կազմակերպությունների միությունը (FAON)։

Հունիսի 23-ին Նիդերլանդների Ներկայացուցիչների պալատն ընդունել է ներկայացուցիչներին Ադրբեջան չուղարկելու առաջարակը, եթե Նիդերլանդների հավաքականն իրավունք ստանա խաղալու քառորդ եզրափակչում, որը կայանալու է Բաքվում հուլիսի 3-ին։

FAON-ը շնորհակալություն է հայտնել Նիդերլանդների խորհրդարանի անդամներին, որոնք հանդես են եկել այդ առաջարկով։ Այդպիսով՝ ոչ թագավորը, ոչ կառավարությունն իրենց ներկայացուցիչներին չեն ուղարկի Ադրբեջան ֆուտբոլային հանդիպումները դիտելու։

Փաստաթղթում նշվում է, որ Արցախյան 44-օրյա պատերազմից հետո դեռևս ավելի քան 200 հայ գերի է ապօրինի պահվում Ադրբեջանում, ինչը միջազգային իրավունքի կոպիտ խախտում է։ Փաստաթղթում նաև դատապարտվում է այսպես կոչված «Ավարի պուրակի» բացումը Բաքվում։

Հայտարարության մեջ ասվում էր, որ եթե Նիդերլանդները հունիսի 27-ին հաղթեն Չեխիային ֆուտբոլի Եվրո-2020-ում, իրավունք կստանան մասնակցելու Բաքվում կայանալիք քառորդ եզրափակչին Դանիայի կամ Ուլեսի հետ, սակայն Նիդերլանդները պարտվեցին։