Հուլիսի 3-4-ին կտրուկ կշոգի՝ ամսի 4-ին +40-41 աստիճան կլինի 2 հուլիսի 2021 - 13:58 AMT PanARMENIAN.Net - Հուլիսի 6-ից սկսած՝ օդային հոսանքները կփոխեն իրենց ուղղությունը, տաք օդի հոսանքը կնահանջի Շրջակա միջավայրի նախարարության «Հիդրոօդերևութաբանության և մոնիթորինգի կենտրոն» ՊՈԱԿ-ի տնօրենի տեղակալ Գագիկ Սուրենյանը, խոսելով հունիսի աննախադեպ շոգերի մասին, տեղեկացրել է, որ հուլիսին նույնպես շոգ է լինելու, ՀՀ ամբողջ տարածքում օդի միջին ջերմաստիճանը նորմայից բարձր կլինի 2-3 աստիճանով: Սուրենյանն ասել է, որ հուլիսի 3-4-ին սպասվում է հերթական տաք հոսանքի ներթափանցումը Իրաքի տարածքից, ջերմաստիճանը կտրուկ բարձրանալու է մոտ 4-5 աստիճանով, իսկ ամսի 4-ին կլինի բարձր ջերմային ֆոն՝ +40-41 աստիճան՝ Երևանում, Արարատյան դաշտավայրում և Սյունիքի հովտային գոտում, բայց դա կարճ կտևի, գրում է «Փաստինֆոն»։ Հուլիսի 6-ից սկսած՝ օդային հոսանքները կփոխեն իրենց ուղղությունը, տաք օդի հոսանքը կնահանջի՝ իր տեղը զիջելով Սև ծովից եկող սառը օդային հոսանքներին, օդի ջերմաստիճանը կնվազի: Հուլիսի 6-7-ը կգրանցվի ջերմաստիճանային անկում, +35-36 աստիճան է սպասվում: Սուրենյանը նշել է, որ հուլիսին, ընդհանուր առմամբ, տաք օդային հոսանքների ներթափանցմամբ պայմանավորված՝ Հանրապետության հովտային շրջաններում (Արարատյան դաշտավայրում և Երևանում) առանձին օրերին օդի ջերմաստիճանը կբարձրանա և կհասնի +40-41 աստիճանի, բայց, ի տարբերություն հունիսի, կլինեն օրեր, երբ կունենանք նաև սառը հոսանքի ներթափանցում: «Շոգերը ժամանակ առ ժամանակ կընդհատվեն սառը օդային հոսանքներով, որոնք Հանրապետության առանձին հատվածներում կառաջացնեն ամպրոպային բնույթի կարճատև անձրևներ»,-ասել է նա: Տեղումների քանակը հուլիսին Հանրապետութունում կանխատեսվում է նորմայի սահմաններում: Սուրենյանը տեղեկացրել է նաև, որ հունիսին ջերմաստիճանը գերազանցել է պատմական ռեկորդը՝ մինչև +41.2 է գրանցվել։ Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Հայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներում Ատալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը Հնդկաստանի ԱԳՆ–ն՝ Բաքվին․ Խթանում ենք ռազմարդյունաբերական արտադրանքի արտահանումը Նա նշել է, որ իր երկիրը լավ հարաբերություններ ունի և Ադրբեջանի, և ՀՀ հետ |