Երեւանն ու Մինսկը քննարկում են ապրանքաշրջանառության ծավալների ավելացման ճանապարհները19 մարտի 2009 - 17:42 AMT PanARMENIAN.Net - 2009թ. մարտի 18-20-ը Բելոռուսի մայրաքաղաք Մինսկում անցկացվում է հայ-բելոռուսական միջկառավարական հանձնաժողովի յոթերորդ համատեղ նիստը: ՀՀ էկոնոմիկայի նախարար Ներսես Երիցյանի գլխավորած պատվիրակության կազմում են նաեւ հանրապետության գործարար շրջանակների ներկայացուցիչները: Ինչպես հաղորդում է Հայաստանի Էկոնոմիկայի նախարարության մամլո ծառայությունը, հանձնաժողովի յոթերորդ համատեղ նիստի շրջանակներում կողմերի քննարկման հիմնական հարցերն են` Հայաստանի եւ Բելոռուսի միջեւ առեւտրաշրջանառության ծավալների ավելացումը, տեղեկատվական տեխնոլոգիաների ոլորտում երկկողմ համագործակցության խորացումը, գյուղատնտեսության եւ գյուղմթերքի վերամշակման ոլորտում համագործակցության ընդլայնումը, դեղագործության ոլորտում համատեղ ձեռնարկությունների ստեղծումը, համագործակցության զարգացումը արդյունաբերության, առողջապահության, զբոսաշրջության, սպորտի, կրթության եւ գիտության ոլորտներում, Հայաստանի եւ Բելոռուսի միջեւ միջմարզային կապերի խորացումը եւ այլն:Հանձնաժողովի համատեղ նիստի արդյունքում նախատեսվում է ստորագրել մի շարք փաստաթղթեր, այդ թվում` Հայաստանում մինի-տրակտորների եւ գյուղատնտեսական տեխնիկայի բելոռուսա-հայկական համատեղ արտադրության մասին պայմանավորվածություն է ձեռք բերվել:Բելոռուսի Էկոնոմիկայի նախարար Նիկոլայ Զայչենկոյի խոսքով, շահագրգռված գերատեսչությունները պետք է դիտարկեն մինչեւ 2009թ. հունիսի 1-ը ՀԱ ստեղծման հարցը: «Երկու երկրների կառավարությունները պետք է պայմաններ ստեղծեն տնտեսվարության սուբյեկտների համար, որոնք իրականացնելու են այդ նախագիծը»,- նշել է նա: Նիստի ընթացքում դիտարկվեցին նաեւ Հայաստան ավտոբուսների, ավտոմոբիլային եւ կարյերային տեխնիկայի, տրակտորների ու նրանց համար նախատեսված ավտոմասերի մատակարարման հարցեր: Բացի այդ, կառուցողական երկխոսություն կայացավ ֆարմակոլոգիայի ոլորտում, եւ առաջադրվեց դեղագործական միջոցների համատեղ ապրանքանիշերի ստեղծման եւ զարգացման գաղափարը: Բելոռուսի Սպորտի եւ տուրիզմի նախարարության եւ Հայաստանի Սպորտի եւ երիտասարդության հարցերով նախարարության միջեւ ֆիզկուլտուրայի եւ սպորտի ոլորտում 2009-2010թթ. համագործակցության մասին ծրագիր տորագրվեց: Հայաստանի էկոնոմիկայի նախարար Ներսես Երիցյանն իր կողմից վստահեցրեց, որ հայկական կողմը վճռական է տրամադրված եւ հսկելու է այն ամենի կատարումը, ինչ արձանագրված է ամփոփագրում, ասվում է հաղորդագրության մեջ: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Բաքոյան․ Իշխանական պատգամավորները Կիրանցում անելիք չունեն, Բագրատ սրբազանի հետ հանդիպումը բացառում են Ըստ նրա՝ որևէ մեկի իրավունքը, ճանապարհ փակելով, չի խախտվում, ուղղակի չպետք է սադրել Կիրանցի ճանապարհին կարմիրբերետավորները բիրտ ուժ են կիրառել․ 14 մարդ է բերման ենթարկվել ԱԺ պատգամավոր Խամոյանը տեսանյութ է հրապարակել Երևանը նոր Գլխավոր հատակագիծ կունենա Դա կլինի թվայնացված փաստաթուղթ Կաթողիկոսը ցավակցագիր է հղել Իրանի հոգևոր առաջնորդին Նա վշտակցություն է հայտնել զոհերի սգակիր ընտանիքներին և Իրանի ժողովրդին |