Նախարար․ Ռուսական դպրոցներ բացելու հարց օրակարգում չկա

Նախարար․ Ռուսական դպրոցներ բացելու հարց օրակարգում չկա

PanARMENIAN.Net - Կառավարության նիստից հետո ՀՀ ԿԳՄՍ նախարար Վահրամ Դումանյանը, անդրադառնալով ռուսական դպրոցներ բացելու հարցում ՀՀ հետաքրքրվածության մասին հայտարարություններին, ասել է, որ նման հարց օրակարգում չկա։

Նա ասել է, որ չի արձանագրել, թե ՀՀ ղեկավարությունը, կառավարության ղեկավար կազմից որևէ պաշտոնյա կամ ՌԴ որևէ բարձրաստիճան պաշտոնյա, մասնավորապես, ՌԴ ԱԳ նախարար Սերգեյ Լավորվն ասած լինի, թե ՀՀ կառավարությունը պատրաստվում է ռուսական նոր դպրոց բացել, գրում է Aysor.am-ը։

«Տաջիկստանում մեր մեթոդաբանության ուսուցման ամբողջական ծրագրով հինգ ռուսական դպրոց է բացվում։ Այժմ նմանատիպ ծրագիր է պատրաստվում Ուզբեկստանի համար։ Վերջին շրջանում Հայաստանի նոր ղեկավարությունը հետաքրքրություն է ցուցաբերել, որպեսզի նույնպիսի ծրագիր արվի Հայաստանի համար», - հայտարարել էր Լավրովը։

Լրագրողների կողմից Լավրովի հայտարարության մեջբերումը լսելուց հետո Դումանյանն ասել է․ «Նման հարց օրակարգում չկա։ Վստահ եղեք՝ այս պահին նման հարց օրակարգում չունենք»։

Նախարարը, այնուամենայնիվ, նշել է, որ իրենք «կարևորում են ռուսաց լեզվի պոպուլյարիզացիայի խնդիրը»՝ հատկապես ժամանակակից աշխարհում, երբ հաղորդակցությունը կարևոր գործիք է։

Ընթերցեք նաև․ Լավրով․ ՀՀ-ն հետաքրքրված է երկրում ռուսական դպրոցների բացմամբ

 Ուշագրավ
Նա տեղեկացրել է նաև, որ կորոնավիրուսի հետևանքով հոսպիտալացված 2009 քաղաքացիներից 102-ն են պատվաստված
Լեհաստանի դեսպանությունը բարձր է գնահատում ՀՀ առողջապահության նախարարություն հետ գործակցութունը
Հույս ունենք, որ առաջիկա 1 շաբաթում այդ տվյալները նույնպես կնվազեն»,– նշել է Ավանեսյանը
---