  Նախարար․ Կովիդով հոսպիտալացված 122 հղիից 53-ի մոտ թոքաբորբ կա 28 հոկտեմբերի 2021 - 12:26 AMT PanARMENIAN.Net - ՀՀ առողջապահության նախարար Անահիտ Ավանեսյանը, գործադիրի նիստում ներկայացնելով կորոնավիրուսի համաճարակով պայմանավորված իրավիճակը, հայտարարել է, որ կորոնավիրուսով հիվանդներին սպասարկում է 27 բուժկենտրոն, 3050 մահճակալ զբաղված է։ Նա հայտնել է, որ հոսպիտալացվածների թվում 122 հղի կա, որոնցից 53-ի մոտ թոքաբորբ է ախտորոշվել։ Նախարարը նշել է, որ «դելտա» շտամն ավելի ագրեսիվ ընթացք է ունենում նաև հղիների մոտ։ «Ծանր վիճակում է 1088 հիվանդ, ծայրահեղ ծանր՝ 307-ը, թոքային օդափոխության սարքերին միացված է 152 քաղաքացի»,-ասել է Ավանեսյանը։ Նախարարը կրկին կարևորել է կորոնավիրուսի դեմ պատվաստումները՝ նշելով, որ այն երկրներում, որտեղ պատվաստումների ցուցանիշը 70%-ից բարձր է, հոսպիտալացման ու մահացության ցուցանիշներն ավելի նվազ են աճում։ Նա նշել է, որ պոլիկլինիկաներում հերթապահություն է սահմանված նաև հանգստյան օրերին և շաբաթ ու կիրակի ևս կարելի է պատվաստվել։ Վարչապետ Նիկոլ Փաշինյանը, լարված գնահատելով համաճարակային վիճակը, հայտարարել է՝ չի բացառում, որ բաց տարածքներում դիմակ կրելը պարտադիր դառնա։ Հոկտեմբերի 28-ի` ժամը 11:00-ի դրությամբ, հաստատվել է կորոնավիրուսի 2307 նոր դեպք, վարակվածների ընդհանուր թիվը հասել է 302,450 -ի: Մահվան 49 դեպք է գրանցվել, 38-ը՝ կորոնավիրուսից և մահվան 11 դեպք, երբ պացիենտն ունեցել է կորոնավիրուսային վարակ, սակայն մահը վրա է հասել այլ հիվանդության պատճառով։ Ընդհանուր առմամբ, կորոնավիրուսից մահվան 6189 դեպք կա, այլ պատճառով՝ 1280:   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
