Ընտանիքում նոր ծնված 3-րդ և յուրաքանչյուր հաջորդ երեխան հունվարի 1-ից ամսական 50,000 դրամ կստանա 23 դեկտեմբերի 2021 - 12:23 AMT PanARMENIAN.Net - Ընտանիքում նոր ծնված 3-րդ և յուրաքանչյուր հաջորդ երեխայի համար հունվարի 1-ից դրամական աջակցություն կհատկացվի՝ ամսական 50,000 դրամ մինչև երեխայի 6 տարեկան դառնալը։ Կառավարությունը հաստատել է դրամական աջակցություն նշանակելու ու վճարելու կարգը։ Ներկայացնելով նախագիծը՝ աշխատանքի և սոցիալական հարցերի նախարար Նարեկ Մկրտչյանը նշել է, որ նպատակ է դրվել նպաստել ժողովրդագրական իրավիճակի բարելավմանը։ Նա նշել է, որ որոշումը տարածվում է 2022 թվականի հունվարի 1-ին կամ դրանից հետո մինչև 2026 թվականի դեկտեմբերի 31-ը ներառյալ ծնված երեխաների վրա։ Նախարարը նշել է նաև, որ երկվորյակ կամ ավելի թվով երեխաների ծնվելու դեպքում հաշվի է առնվելու բարձր կարգաթվով երեխայի ծննդյան փաստն ու կնշանակվի դրամական աջակցություն նոր ծնված բոլոր երեխաների համար: Վարչապետ Նիկոլ Փաշինյանն հավելել է, որ այս դրամական աջակցությունը չի անդրադառնալու երեխայի ծննդյան միանվագ վճարման, ինչպես նաև մինչև 2 տարեկան խնամքի նպաստի վրա, բայց կարղ է ազդել աղքատության նպաստի գնահատման ցուցանիշի վրա։ «Եթե ընտանիքն ընդգրկված է «Փարոս» համակարգում և այս վճարումների բերումով չափանիշներից դուրս է մնում, այդ դեպքում, ազդում է, այսինքն՝ մարդը «Փարոսից» զրկվում է», - ասել է նա:   Ուշագրավ Եվս մեկ մարդ մահացել էր տեղում, պայթյունի պահին 2024–ի հուլիսից չորս խումբ կընդգրկվի Առաջատար գիտաշխատողի աշխատավարձը 2021–ի համեմատ կաճի 67% տոկոսով և կդառնա 420 հազար դրամ Նա հայտարարել է, որ նման միտում սպասում էին   |  Վերջին լուրեր ՀՀ և Եգիպտոսի նախագահները հանդիպել են Կլիմայի փոփոխության համաժողովի շրջանակում  Հանդիպմանը մասնակցել է նաև Հայաստանի շրջակա միջավայրի նախարար Հակոբ ՍիմիդյանըՀԱԿ փոխնախագահ. ՀՀ իշխանությունն անբարոյական դիրքորոշում է որդեգրել Ռուբեն Վարդանյանի նկատմամբ «ՀՀ իշխանությունը, ըստ էության, բախտի քմահաճույքին է հանձնել այդ մարդկանց»,–ասել է նաՍևանի մակարդակը 2022–ի դեկտեմբերի 1-ի համեմատ ցածր է 13 սանտիմետրով Սևանա լիճ թափվող գետերում բնական էական փոփոխություններ չեն դիտվել |
