Ծիծեռնակաբերդի խճուղու փլուզված հատվածում վերականգնման աշխատանքները շուրջօրյա կիրականացվեն23 մայիսի 2022 - 12:13 AMT PanARMENIAN.Net - Ծիծեռնակաբերդի խճուղու փլուզված հատվածում վերականգնման աշխատանքները շուրջօրյա կիրականացվեն։ Քաղաքապետ Հրաչյա Սարգսյանը գործակարգավարական խորհրդակցության ժամանակ, դիմելով իր տեղակալ Կամո Արեյանին, ասել է, որ երեկոյան 22:00-ին մոտ այնտեղ տեխնիկա չի աշխատել։ Արեյանն ասել է, որ եռահերթ աշխատանք կսահմանվի առաջիկա օրերին՝ ամրացման տեխնոլոգիան վերջնականապես որոշելուց հետո, տեղեկացնում է Sputnik Արմենիան։ «Ճանապարհը պետք է վերակառուցվի փլվածքի ամբողջ երկայնքով, իրականացվեն ամրացման աշխատանքներ։ Պետք է վերականգնվեն նաև գործող ստորգետնյա կոմունիկացիաները։ Հեղեղատար համակարգն ամբողջությամբ կվերակառուցվի, այդ թվում` ոռոգման խողովակը, որը երեկ նկատել ենք»,– ասել է Արեյանը`հավելելով, որ գազատարին ձեռք չեն տվել, քանի որ առայժմ դրա անհրաժեշտությունը չկա։ «Երևան» ջրօգտագործողների ընկերության գործադիր տնօրեն Սամվել Մելքոնյանը հայտնել է, որ 200 գծամետր խողովակաշար է վնասվել։ Ջրագծի վերականգնման շուրջ կառուցապատողի հետ արդեն պայմանավորվածություն է ձեռք բերվել։ Երևանի Լենինգրադյան փողոցից դեպի Ծիծեռնակաբերդի խճուղի տանող հատվածում տեղի է ունեցել փլուզում, Ծիծեռնակաբերդի խճուղին երկկողմանի փակ է։ Ճգնաժամային կառավարման ազգային կենտրոն ահազանգը ստացվել է մայիսի 20-ին, ժամը 06:55-ին։ Ուշագրավ Բագրատ սրբազանը վաղ առավոտյան ուղևորվել է դեպի Կիրանց
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Ամենաընթերցվողը բաժնում | Դորտմունդի «Բորուսիան» հետաքրքրված է Սպերցյանով Սպերցյանի ներկայիս աշխատանքային պայմանագիրն ակումբի հետ նախատեսված է մինչև 2026 թվականի ամառը ՀՀ–ն Մոլդովայում մասնակցում է ՆԱՏՕ-ի Regex 2024 զորավարժությունների հերթական փուլին Զորավարժությունները, որոնց մասնակցում է ՆԱՏՕ–ի գործընկեր մոտ 30 երկիր, կտևեն մինչև մայիսի 24–ը Երևանում է ԱՄՆ ԿՀՎ ղեկավարի տեղակալը․ Նրան ընդունել է Փաշինյանը Քննարկվել են ինչպես երկկողմ, այնպես էլ միջազգային օրակարգի հարցեր ԱՆ–ն չի գրանցել Արշակ Կարապետյանի կուսակցությունը՝ օրենքի մի շարք խախտումների հիմքով Նախարարությունը պարզաբանում է տարածել |