2008թ. Ռուսաստանից Հայաստան $919 մլն գումարի փոխանցում է կատարվել

13 ապրիլի 2009 - 17:39 AMT

PanARMENIAN.Net - Անցյալ տարի Ռուսաստանից դրամական փոխանցումների համակարգով փոխանցվել է $13,7 մլրդ: Մեծ մասամբ այդ գումարներն իրենց հարազատներին են փոխանցել մոտ արտասահմանում գումար վաստակելու մեկնած բազմաթիվ մարդիկ: Բայց այժմ նրանց ծառայությունները գնալով պակաս պահանջված են, եւ Ռուսաստանից կատարվող փոխանցումների ծավալը սկսել է կրճատվել փոխանցողների եկամուտի հետ միասին: Այնուամենայնիվ դրամական փոխանցումների համակարգերի ներկայացուցիչները դեռեւս խոստանում են չբարձրացնել սակագները: Աշխատավոր գաղթականները կամ, ինչպես նրանց ընդունված է անվանել, «խոպանչիները» ապահովում են Ռուսաստանից ԱՊՀ երկրներ կատարվող դրամական փոխանցումների մեծ մասը: «2000-ական թվականներից սկսած դրամական փոխանցումների շուկան զարգացել է աննախադեպ բարձր տեմպերով` ցուցաբերելով տարեկան 25-35% աճ: Բնական է, որ նման դինամիկան պայմանավորված էր հիմնականում ԱՊՀ զանազան երկրներում կյանքի ստանդարտների եւ տնտեսական աճի ավելացող տարբերությամբ, հետեւաբար նաեւ աշխատանքային գաղթով: Հենց դա 80%-ով ձեւավորեց պահանջարկը դրամական փոխանցումների սեգմենտում: Աշխատանքային գաղթականների հիմնական գեներատոր-երկրները դարձան Մոլդովան, Ուկրաինան, Ղրղզստանը, Թաջիկստանը, Հայաստանն ու Ուզբեկստանը»,- պատմել է UNIStream-ի գլխավոր տնօրեն Սուրեն Հայրիյանը:

Ռուսաստանից դուրս եկող գումարային հոսքերի հաշվին ԽՍՀՄ նախկին հանրապետությունները զգալի սնունդ էին ստանում իրենց տնտեսությունների համար: Այդպես, Համաշխարհային բանկի տվյալներով, գաղթականների դրամական փոխանցումները կազմում են Թաջիկստանի ՀՄԱ 45% եւ Մոլդովայի ՀՄԱ 38%: Գործազրկությունն ու եկամուտների ցածր մակարդակը Ուզբեկստանի եւ Թաջիկստանի աշխատունակ բնակչության ավելի քան մեկ երրորդ մասին ստիպել են արտասահման մեկնել գումար վաստակելու համար:

Համաշխարհային բանկի տվյալներով, այսօր դրամական փոխանցումների առաջատար երկրների ցուցակում Ռուսաստանը հինգերորդ տեղում է գտնվում` զիջելով միայն այնպիսի երկրներին, ինչպիսին են ԱՄՆ, Սաուդյան Արաբիան, Շվեյցարիան եւ Գերմանիան: Գաղթականների հոսքով էլ Ռուսաստանը դարձյալ առաջատարների թվում է միջազգային հրապարակում եւ երկիր մտած գաղթականների թվով առաջին տեղը զիջում է միայն ԱՄՆ-ին:

Ռուսաստանի Բանկի տվյալներով, վճարման համակարգերով եւ «Ռուսաստանի Փոստով» կատարված դրամական փոխանցումների ծավալը կազմել է $13,7 մլրդ: «2008թ. ռեկորդային դարձավ Ռուսաստանից Արեւելյան Եվրոպայի եւ ԱՊՀ երկրներ փոխանցված գումարի չափով»,- նշել է Արեւելայն Եվրոպայի ու ԱՊՀ երկրներում Western Union-ի տարածաշրջանային փոխնախագահ Ջոնաթան Կնաուսը:

Ընդ որում, այդ գումարների ավելի քան 90% ուղարկվել է նախկին ԽՍՀՄ երկրներ: Դրամական փոխանցումների ծավալների ցուցակը գլխավորում են Ուզբեկստանը, Թաջիկստանը եւ Ուկրաինան, որտեղ Ռուսաստանից անցյալ տարի փոխանցվել է համապատասխանաբար $2,9 մլրդ, $2,5 մլրդ եւ $1,6 մլրդ: Ցուցակը եզրափակում է Թուրքմենստանը, որն ընդհանուր առմամբ $40 մլն գումար է ստացել: Հեռավոր արտասահմանից Ռուսաստանից կատարված փոխանցումներով մեծ տարբերությամբ առաջատարն է Չինաստանը` $400 մլն, նրա մոտակա հետապնդողի` Թուրքիայի ցուցանիշը կազմել է $40 մլն: Իսկ փոխանցումների միջին չափերով ֆավորիտներ են Հայաստանը ($919), Ադրբեջանը ($825) եւ Վրաստանը ($804), գրում է Կոմերսանտ թերթը:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով