Համաշխարհային ֆուտբոլի աստղ Լիոնել Մեսսիի հիմնած հոլդինգային ներդրումային ընկերությունը կղեկավարի Graph Ventures վենչուրային ընկերության գործընկեր Ռազմիկ Հովակիմյանը, հայտնում է Bloomberg-ը ընկերության վրա հղումով։

Մեսսիի Play Time Sports-Tech HoldCo LLC-ի հիմնական խնդիրը լինելու է ներդրումները սպորտի, ԶԼՄ-ների և տեխնոլոգիաների ոլորտում։ Ընկերությունը կդիտարկի ֆուտբոլային տեխնոլոգիական ընկերությունների ոլորտում ստարտափերի հիմնադրմանը աջակցելու կամ թիմերում ներդրումներ անելու հնարավորությունը, գրում է Sputnik Արմենիան։

Հովակիմյանը նաև Matchday.com ֆուտբոլային ձեռնարկության համահիմնադիրն է, որը Play Time-ին համարում է իր առաջին ներդրողը։

«Այն պահից, երբ ես հանդիպեցի Լեոյին 2017-ին, պարզ դարձավ, որ նա ապագայի համարձակ տեսլական ունի։ Նրանք ուզում են շարունակել ուղիղ և տևական ազդեցությունը դաշտի վրա և դրա սահմաններից դուրս»,-ասվում է Հովակիմյանի հայտարարության մեջ։