ԱԽ քարտուղար․ «Նեմեսիսի» արձանի տեղադրումը ՀՀ ներքին հարցն է՝ որևէ մեկն իրավունք չունի խառնվելու10 մայիսի 2023 - 11:06 AMT PanARMENIAN.Net - Անվտանգության խորհրդի քարտուղար Արմեն Գրիգորյանը մայիսի 9-ին «Հաղթանակ» զբոսայգում ճեպազրույցի ընթացքում հայտարարել է, որ «Նեմեսիսի» մասնակիցների հիշատակը հավերժացնող հուշակոթողի տեղադրումը Հայաստանի ներքին հարցն է։ «Արձանի տեղադրումը Հայաստանի ներքին հարցն է և որևէ մեկն իրավունք չունի դրան խառնվելու», - ասել է նա, հայտնում է «Ազատությունը»։ Վերջին շաբաթվա ընթացքում արդեն երրորդ անգամ Թուրքիայի ԱԳ նախարարը խոսել է «Նեմեսիս» հուշարձանի մասին՝ մասնավորապես հայտարարելով, թե Երևանին Անկարան ասել է`«եթե արձանը չհանեք, կարգավորումը չէ, դեռ մի բան էլ պատասխան քայլեր կանենք»։ Ավելի վաղ՝ Թուրքիայի կողմից օդային տարածքը փակելուց հետո, Հայաստանի իշխանությունները հայտարարել էին, որ հուշարձանի տեղադրումը քաղաքային իշխանության որոշումն է եղել, չի արտահայտել ՀՀ արտաքին քաղաքականությունը։ Իսկ ՀՀ վարչապետը հավելել է, որ իր կարծիքով՝ արձանի տեղադրումը «սխալ որոշում էր»։ Հարցին, թե արդյոք հանուն հայ-թուրքական հարաբերությունների արձանը կապամոնտաժվի, Գրիգորյանն արձագանքել է. «Այդ հարցերը գտնվում են ՏԻՄ դաշտում, քաղաքական որոշում չի եղել»։ Երևանի քաղաքապետարանից հայտնել են, որ հուշարձանը քանդելու մտադրություն չունեն։ Մայիսի 3-ին Թուրքիայի արտգործնախարար Մևլութ Չավուշօղլուն հայտարարել է, որ Թուրքիան Հայաստանի համար փակել է իր օդային տարածքը դեպի երրորդ երկրներ թռիչքների համար` այդ որոշումը բացատրելով Երևանում «Նեմեսիս» գործողության հերոսների հուշարձանի բացմամբ։ Ավելի ուշ նա հայտնել է, որ Թուրքիան փակել է օդային տարածքը դեպի երրորդ երկրներ ՀՀ VIP անձանց, այդ թվում՝ վարչապետ Նիկոլ Փաշինյանի ինքնաթիռի թռիչքների համար։ Ուշագրավ Ծանուցումների պաշտոնական կայքում ծանուցագրի քաղվածքը տեղադրելու 10-րդ օրը քաղաքացին համարվում է պատշաճ ծանուցված Նա նաև վստահություն է հայտնել, որ որևէ ՔՊ-ական չի գնա հանդիպման սրբազանի հետ Իրանի նախագահի և նրան ուղեկցող անձանց հուղարկավորությունը տեղի կունենա մայիսի 21–ին Այլ մանրամասներ չեն ներկայացվում Ամենաընթերցվողը բաժնում | Մինչև 2 տարեկան երեխաները կկարողանան մանկապարտեզ հաճախել Դա դեռևս պիլոտային ծրագիր է Կիրանցում բնակիչները քանդում են գույքը՝ տարածքը հանձնելուց առաջ Բնակիչներից մեկն էլ փորձել է այրել իր հողակտորը, որը ևս պետք է անցնի Ադրբեջանին Հայաստանում առաջին մյուսլի արտադրող ընկերությունն է հիմնադրվել Հայկական առաջին մյուսլիների արտադրության գործընկերն Ակբա Ֆեդերացիան է Բիբլոս Բանկ Արմենիան` ապագա նորարաների կողքին. Բարի գալուստ CaseKey 2024 Առաջիկա 6 ամսվա ընթացքում մասնակիցները կլուծեն 4 բիզնես քեյս |