Բարակ Օբաման Հայոց ցեղասպանությունը ճանաչելու երկու հնարավորություն բաց թողեց25 ապրիլի 2009 - 00:53 AMT PanARMENIAN.Net - Ապրիլի 24-ին ԱՄՆ նախագահ Բարակ Օբաման բաց թողեց Հայոց ցեղասպանությունը ճանաչելու երկրորդ հնարավորությունը: Առաջին անգամ այդ հնարավորությունը նրան ընձեռվեց Թուրքիա կատարած այցի ժամանակ: Անկարայում ԱՄՆ նախագահը հայտնեց, որ Հայոց ցեղասպանության մասին իր կարծիքը շատ լավ հայտնի է եւ անփոփոխ է մնում, սակայն գերադասեց չարտասանել «ցեղասպանություն» բառը: Այդ մասին հայտնել է ԱՄՆ-Հայաստան Հասարական կապերի կոմիտեի (USAPAC) գործադիր տնօրեն Ռոսս Վարդյանը:«Մարդիկ հիշում են, ինչ հայերի հանդեպ արել է Թուրքիան, արել է Ամերիկան իր մայրցամաքի արմատական բնակիչների եւ աֆրոամերիկացիների հետ: ԱՄՆ հայ համայնքին հղված ապրիլի 24-ի իր ուղերձում Բարակ Օբաման չկատարեց իր խոստումը, որը տվել էր դեռեւս սենատոր եւ ապա` նախագահի թեկնածու լինելու ժամանակ: Դրա փոխարեն նախագահը հայտնեց, որ իր վարչակազմն ամբողջությամբ օժանդակում է Հայաստանի եւ Թուրքիայի միջեւ հարաբերությունների կարգավորումն առանց նախապայմանների եւ խելամիտ ժամկետներում: Չնայած գովելի նպատակներին, այդ երկրների միջեւ նորմալ հարաբերություններն ու հայ-թուրքական սահմանի բացումը չեն կարող ԱՄՆ համար փոխարինել Հայոց ցեղասպանության մասին հայերի պատմության հաստատումը, որն անմիջականորեն կապված է ապագա ցեղասպանությունների կանխման գործում գլոբալ պատասխանատվության հետ: Նախագահ Օբաման շատ լավ գիտի, որ քանի դեռ աշխարհը հաշտվում է ցեղասպանության հերքման հետ, այն շարունակվելու է, ինչպես այն հայերի համար շարունակվում է հիշատակի օրը` ապրիլի 24-ին»,- ասվում է Վարդյանի` PanARMENIAN.Net ուղարկված հայտարարության մեջ: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Շվեյցարացի պատգամավոր․ Սահմանային հարցերը պետք է լուծել, որ Բաքվի կողմից հարձակվելու պատրվակ չդառնան «Խավիարային դիվանագիտությունն» այժմ ճանաչված տերմին է, ցավոք, դա հաջողվում է»,–ասել է նա Փաշինյան․ Ժամանակն է Բաքվի հետ ձեռք բերված համաձայնությունները ներառել խաղաղության պայմանագրում և ստորագրել Նա անդրադարձել է նաև հայկական «Խաղաղության խաչմերուկ» նախագծին ՊՆ․ ԳՇ պետ Ասրյանը բացառապես ՀՀ քաղաքացի է, իսկ նրա կինը՝ ազգությամբ ռուս Նշվում է նաև, որ ԳՇ պետի որդին զինապարտ է և ներգրավված է ՀՀ ԶՈւ 2024 թվականի զորակոչային միջոցառումներին Երևանում բոլոր 63 բերման ենթարկվածներն ազատ են արձակվել Բերման էր ենթարկվել 63 ցուցարար |