Երևանի «Ոսկե ծիրան» 20-րդ կինոփառատոնի պատվավոր հյուրերը կլինեն եվրոպական կինոյի կենդանի լեգենդներ Ժան-Պիեռ և Լյուկ Դարդեն եղբայրները։ Նրանց կշնորհվի «Ոսկե ծիրանի» պատվո մրցանակը կինոյում ունեցած մեծագույն ավանդի համար։

Դարդեն եղբայրները Կաննի կինոփառատոնի Ոսկե արմավենու ճյուղի կրկնակի դափնեկիրներ են։

Երևանում նաև կիրականացվի նրանց ֆիլմերի հետահայաց ծրագիրը և մեծ հանդիպում կկազմակերպվի հեղինակների հետ։

«Ոսկե ծիրան» Երևանի 20-րդ միջազգային կինոփառատոնը կանցկացվի հուլիսի 9-16-ը։