 DigiTec-ին մտադիր են արտերկրից 500 ներդրողի հրավիրել 14 օգոստոսի 2023 - 14:51 AMT PanARMENIAN.Net - Հայաստանում բարձր տեխնոլոգիաների հերթական ցուցահանդեսին ցանկանում են արտասահմանյան 500 բիզնես այցելուի հրավիրել։ Այդ մասին ասել է Հայաստանի բարձր տեխնոլոգիաների ձեռնարկության միության (UATE) գործադիր տնօրեն Սարգիս Կարապետյանը` մեկնաբանելով DigiTec ցուցահանդեսին առնչվող ծրագրերը, հայտնում է Sputnik Արմենիան։ Միջոցառումն այս տարի կանցկացվի հոկտեմբերի 13-15-ը։ «Մենք թիրախավորված աշխատում ենք գործող և նոր նախագծերի համար հնարավոր ներդրողների, ինչպես նաև դրանց մշակումների պոտենցիալ գնորդների հետ։ Մեր խնդիրն է այնպես անել, որ նրանք առավելագույն պատկերացում ունենան այն մասին, թե ինչ կարող են ակնկալել մեր շուկայից», – ասել է Կարապետյանը։ Բիզնես հյուրերին գրավելու համար միությունը ներգրավել է այսպես կոչված DigiTec դեսպաններին։ Նրանք հայտնի գործիչներ են (հիմնականում հայ) Ֆրանսիայից, ԱՄՆ–ից, Քուվեյթից, Արաբական Էմիրություններից և այլն։ Կարապետյանը հավելել է, որ շուտով անունները կհրապարակվեն. նրանք հայտնի և ակտիվ գործիչներ են, ընդ որում` ոչ միայն տեխնոլոգիաների ոլորտից։ «Բիզնես հյուրերին մենք փնտրում և հրավիրում ենք` հաշվի առնելով նաև մեր ընկերությունների կարիքները։ Նրանք, ովքեր ուզում են մասնակցել ցուցահանդեսին, խորհուրդ ենք տալիս դիմել մեզ, պատմել, թե որ շուկայում են իրենք գործում և ինչպիսի գործընկերներ են փնտրում, և մենք կփորձենք հրավիրել նրանց», – հավելել է UATE–ի գործադիր տնօրենը։ «DigiTec»–ում ուզում են ներկայացնել ՏՏ–ի կամ ինժեներիայի ոլորտի ընկերություններին, ինչպես նաև դրանց լուծումներից օգտվող ընկերություններին (բժշկական, արդյունաբերական և այլ ոլորտի ձեռնարկություններ)։ «Կառավարությունը խթանում է բիզնես գործընթացների թվայնացումը, ընկերություններն էլ սկսում են ակտիվ օգտվել նման լուծումներից։ Մենք ուզում ենք ցույց տալ, որ Հայաստանի շուկայում նման լուծումների ինչպես միջազգային, այնպես էլ տեղական մատակարարներ կան», – հավելել է Կարապետյանը։ Բացի այդ, ցուցահանդեսին ուզում են հրավիրել ոլորտի ամենահեղինակավոր համաշխարհային պարբերականներին (Forbes, TechCrunch, The Verge և այլն)։ Ցուցահանդեսը նախատեսվում է անցկացնել նոր վայրում։ Նախորդ տարիներին այն անցկացվել է Մարզահամերգային համալիրում, այս տարի դիտարկվում է «Մերիդիան» էքսպո–կենտրոնը, որը գտնվում է քաղաքի կենտրոնում, իսկ այցելելու համար անհրաժեշտ կլինի առցանց գրանցվել (այցելությունն անվճար է)` նշելով էլեկտրոնային հասցեն և կազմակերպության անվանումը։   Ուշագրավ Այդ մասին նա գրել է ֆեյսբուքյան իր էջում Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ըստ Քերոբյանի, առնվազն 20 մլրդ դրամ հարկ կհավաքվի   Ամենաընթերցվողը բաժնում |  Վերջին լուրեր ԱՀԿ. Covid-19-ի ժամանակ ամբողջ աշխարհում չարաշավել է հակաբիոտիկների ընդունումը  Նշվում է, որ հիվանդների 75%-ին դրանք «ամեն դեպքում» նշանակվել ենՓաշինյան․ 9-րդ կետն ապաշրջափակման մասին է, Ադրբեջանը մեր ոչ մի ճանապարհ չի ապաշրջափակել Փաշինյանը շեշտել է, որ նոյեմբերի 9-ի հայտարարության մեջ չկա որևէ մի գրառում, որով ՀՀ ինքնիշխանությունը որևէ ձևով սահմանափակվում էՎարչապետ․ Այդ գործընթացի առաջնորդն Ամենայն Հայոց կաթողիկոսն է, իսկ թիվ մեկ շահառուն՝ Ռոբերտ Քոչարյանը Փաշինյանն ասել է՝ կառավարությունը չպետք է եկեղեցու գործերին միջամտի, իսկ ինքը կարող է կարծիք ասել՝ որպես անհատՓաշինյան. ՌԴ նախագահի երդմնակալությանը մասնակցելու հրավեր, կարծես, չեմ ստացել Նա նաև ասել է, որ տարօրինակ կլիներ, եթե ՀՀ ղեկավարն ամեն տարի մասնակցեր մայիսի 9-ի շքերթին |
