ՀՀ այցելած զբոսաշրջիկների թիվը 2022–ի համեմատ աճել է ավելի քան 48 տոկոսով

7 նոյեմբերի 2023 - 14:40 AMT

PanARMENIAN.Net - 2023 թվականի հունվար-սեպտեմբերին Հայաստան է այցելել 1 մլն 839 հազար զբոսաշրջիկ, ինչը 2022-ի նույն ժամանակահատվածի համեմատ 48.4 տոկոսով ավելի է։

ՀՀ վիճակագրական կոմիտեի հրապարակած տվյալների համաձայն, զբոսաշրջիկների ընդհանուր թվի ավելի քան կեսը Ռուսաստանից է՝ 50.7 տոկոս կամ 931,695: Երկրորդ տեղում Վրաստանն է՝ 10.1 տոկոս կամ 185,082 քաղաքացի, երրորդ տեղում Իրանն է՝ 6.3 տոկոս կամ 116,062 քաղաքացի,

Առաջատարների հնգյակում են նաև ԱՄՆ-ն և Ֆրանսիան։

Ըստ Վիճակագրական կոմիտեի տվյալների, 2023 թվականի հունվար-սեպետմբերին Հայաստան է այցելել ադրբեջանցի 13 զբոսաշրջիկ, ինչը նախորդ տարվա նույն ժամանակահատավածի համեմատ 2.6 անգամ ավելի է, հայտնում է Panorama.am-ը։

Հայտնի չէ, թե իրականում այլ երկրի քաղաքացիություն ունեցող քանի ադրբեջանցի է եկել մեր երկիր։

Թուրքիայից ևս զգալի ավելացել է Հայաստան այցելողների քանակը։ Եթե 2022 թվականի հունվար- սեպտեմբերին Հայաստան էր այցելել Թուրքիայի քաղաքացիություն ունեցող 6300 զբոսաշրջիկ, ապա 2023-ին այդ թիվն ավելացել է 43.7%-ով՝ հասնելով 9․5 հազարի։