Տիգրան Քոթանջյանը «Dubai Open»-ում հաղթանակից մեկ քայլի վրա է գտնվում 4 մայիսի 2009 - 15:14 AMT PanARMENIAN.Net - Հայ գրոսմայստեր Տիգրան Քոթանջյանը Շախմատի «Dubai Open» Դուբայի 11-րդ բաց առաջնության 8-րդ փուլից հետո, որում խաղարկվում է շեյխ Ռաշիդ Բին Համդան Ալ Մահդումի գավաթը, առաջատարի դիրքը 6,5 միավորով կիսում է ռուս շախմատիստ Դմիտրի Բոչարովի հետ: Քոթանջյանը նախավերջին 8-րդ փուլում սեւերով հաղթանակ է տարել վրացի գրոսմայստեր Լեւան Պանտսուլայի նկատմամբ: Մեկ ուրիշ, նույնպես ոչ վատ ելույթ ունեցող հայ շախմատիստ` Աշոտ Անաստասյանը, միավորները կիսել է Բելգիայի ներկայացուցիչ Վադիմ Մալախատկոյի հետ: Անաստասյանն 8 փուլից հետո կիսում է մրցաշարային աղյուսակի 3-8-րդ տեղերը, ինչպես նաեւ պահպանում է մրցաշարում հաղթելու շանսերը:Դուբայի մրցաշարում Հայաստանի մյուս ներկայացուցիչները` Հրանտ Մելքումյանը, Սուրեն Պողոսյանը, Վարդան Խոջայանը եւ Աղասի Ինանցը այնքան էլ հաջող ելույթ չեն ունենում եւ բարձր դիրքեր չեն զբաղեցնում մրցաշարային աղյուսակում: Վերջին փուլում Տիգրան Քոթանջյանն ուժերը կչափի ռուս շախմատիստ Պավել Մելետինի հետ, եւ հաղթանակի դեպքում կարժանանա մրցաշարի չեմպիոնի կոչման: Իսկ Աշոտ Անաստասյանը կխաղա հնդիկ գրոսմայստեր Արուն Պրասադայի հետ: Հայ շախմատիստների դրությունն ութ փուլից հետո. 1-2.Տիգրան Քոթանջյան, Դմիտրի Բոչարով-6,5 միավոր 3-8. Աշոտ Անաստասյան-6 23-42. Հրանտ Մելքումյան, Սուրեն Պողոսյան -5 61-78. Աղասի Ինանց-4 79-91. Վարդան Խոջայան-3,4: Մրցաշարի ընդհանուր մրցանակային ֆոնդը կազմում է 45 000 դոլար, որից առաջին տեղի համար` 6000 դոլար, երկրորդ տեղի համար` 5000 դոլար, իսկ երրորդի համար` 4000 դոլար: Մրցաշարն անցկացվում է շվեյցարական համակարգով` 9 ռաունդով: Ժամանակի վերահսկում. 1 ժամ 30 րոպե մինչեւ պարտիայի ավարտը` լրացուցիչ 30 վայրկյանով ամեն քայլի համար: Ուշագրավ Ավելի վաղ Եվրոպայի առաջնության փոխչեմպիոն էր դարձել Բարեղամ Հարությունյանը Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |