Մոսկվայում հազարավոր մարդիկ են հավաքվել հրաժեշտ տալու Նավալնուն․ Հուղարկավորությունը տևել է մոտ 20 րոպե 1 մարտի 2024 - 19:16 AMT PanARMENIAN.Net - Մոսկվայում հազարավոր մարդիկ են մասնակցել կալանավայրում մահացած ռուս ընդդիմադիր գործիչ Ալեքսեյ Նավալնու վերջին հրաժեշտի արարողությանը և հուղարկավորությանը։ Սակայն հոգեհանգստին, որն անցել է Մարյինոյի եկեղեցիում, թույլատրել են մասնակցել միայն նրա հարազատներին ու ընկերներին։ Հուղարկավորության արարողությունը տևել է 20 րոպեից էլ պակաս, հայտնում է BBC-ին։ Վաղ առավոտից եկեղեցու մոտ արդեն կուտակվել էին ոստիկանական տասնյակ տրանսպորտային միջոցներ։ Եկեղեցու տարածքը շրջափակվել էր մետաղյա պատնեշով։ Նավալնիին հրաժեշտ տալու ցանկություն ունեցողների շարանը ձգվել է ավելի քան մեկ կիլոմետր։ Ոստիկանները ստուգում էին անցորդների փաստաթղթերն ու անձնական իրերը։ Մարդիկ պարբերաբար վանկարկում էին «Նավալնի», «Պուտինը մարդասպան է» և այլ կարգախոսներ։ ՌԴ հայտնի ընդդիմադիր գործիչ Ալեքսեյ Նավալնին մահացել է գաղութում փետրվարի 16–ին։ Նա իրեն վատ է զգացել զբոսանքի ժամանակ և կորցրել է գիտակցությունը՝ բժիշկները գրանցել են նրա մահը։ Ավելի ուշ հայտարարվեց, որ մահվան պատճառը թրոմբն է եղել։ Նավալնին դատապարտվել էր այսպես կոչված «ծայրահեղականության գործով», որով նրան մեղադրանք է ներկայացվել է ՌԴ ՔՕ 7 հոդվածով, որոնցից ամենածանրը Ռուսաստանում ծայրահեղական ընկերակցություն ստեղծելու մասին էր։ 2023–ի օգոստոսին նա դատապարտվել էր 19 տարվա ազատազրկման և Վլադիմիրի շրջանից տեղափոխվել հատուկ ռեժիմի գաղութ։ «Ծայրահեղականության գործով» դատավարությունը գատղնի էր ընթացել՝ այն սկսվել էր հունիսի 19–ին և ընդամենը մեկ ամիս տևել, իսկ բոլոր նիստերը դռնփակ են անցել։ Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը |