Evocabank-ն առաջինը ՀՀ-ում միացել է Կենտրոնական և Արևելյան Եվրոպայի երկրների բանկային ասոցիացիային22 մարտի 2024 - 12:48 AMT PanARMENIAN.Net - Evocabank-ը դարձել է Կենտրոնական և Արևելյան Եվրոպայի երկրների բանկային ասոցիացիայի` BACEE) լիիրավ անդամ: BACEE-ն, որը ստեղծվել է 1996թ., տարածաշրջանային մասնագիտացված կազմակերպություն է, որը համախմբում է Եվրամիության, Կենտրոնական և Արևելյան Եվրոպայի, Արևմտյան Բալկանների և Կովկասյան երկրների բանկերը՝ ձգտելով ամրապնդել իր անդամ-բանկերի գործարար հարաբերությունները միջազգային բանկային համակարգի հետ և նպաստել նրանց երկրներում համակարգի կայուն և երկարատև զարգացմանը: BACEE-ին միանալուց հետո Evocabank-ը կարող է օգտվել Ասոցիացիայի կողմից տրամադրվող ծառայություններից, այդ թվում՝ ազատ մասնակցել BACEE-ի կողմից կազմակերպվող կոնֆերանսներին, սեմինարներին և դասընթացներին, ինչպես նաև իր մասնակցությունն ունենալ Բանկերի թղթակցային հարաբերությունների զարգացման ծրագրում և BACEE-ի այլ նախագծերում: «Մենք ուրախ և հպարտ ենք, որ Evocabank-ը Հայաստանում առաջին ֆինանսական կազմակերպությունն է, որ դարձել է մեր կազմակերպության անդամ: Վստահ ենք, որ BACEE-ին անդամակցությունը կնպաստի Evocabank-ի կայուն զարգացմանը և կօգնի Բանկին իր ակտիվ գործունեությունն ապահովել միջազգային շուկաներում: Մենք բաց ենք նաև համագործակցելու Կովկասյան երկրների բանկերի հետ»,- իր խոսքում նշել է BACEE-ի գլխավոր քարտուղար Իշտվան Լենդյելը (Istvan Lengyel): Evocabank-ի Վարչության նախագահ Կարեն Եղիազարյանը նշել է․ «BACEE-ին միանալը Բանկի համար նշանակալից իրադարձություն է, որն ամրապնդում է մեր նախաձեռնությունները՝ խթանելու միջազգային կապերի զարգացումը և ընդլայնելու մեր գործառնությունների աշխարհագրությունը: Մենք ուրախ ենք այն հնարավորությունների համար, որ բացվում են այս համագործակցության շնորհիվ և անհամբեր սպասում ենք ինտեգրելու BACEE-ի փորձը մեր դինամիկ աճի և բանկային ոլորտի կայուն զարգացմանը նպաստելու գործում»: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը |