Ավինյան․ Ինչո՞ւ են ասֆալտի հետ կապված աննախադեպ խնդիրներ առաջացել20 մայիսի 2024 - 13:40 AMT PanARMENIAN.Net - Երևանի քաղաքապետ Տիգրան Ավինյանը գործակարգավարական խորհրդակցության ժամանակ փորձել է պարզել, թե ինչու են անձրևներից հետո նման աննախադեպ քանակի փոսեր ավելացել քաղաքում և ինչու են ասֆալտի հետ կապված խնդիրներ առաջանում։ Նախորդ շաբաթ տեղացած հորդառատ անձրևների հետևանքով Երևանի մի շարք փողոցներ ջրով էին լցվել։ Եղանակային պայմանների պատճառով մի շարք փոսեր են ավելացել։ Քաղաքապետարանի շինարարության և բարեկարգման վարչության պետի պաշտոնակատար Արմեն Հարությունյանը պատասխանել է, որ ունեցել են նախնական փոսալցման ծրագիր, որը նախատեսված էր ըստ քմ–ների, բայց, հաշվի առնելով եղանակային պայմանները, աշխատանքային օրերը սահմանափակ են եղել։ «Դա հանգեցրել է նրան, որ մենք ունեցանք ավելի մեծ չափերի փոսեր։ Հայտնվեցին նաև նոր փոսեր, որոնք գույքագրման ժամանակ այլևս չունեինք»,– ասել է Հարությունյանը, գրում է Sputnik Արմենիան։ «Հենց որ եղանակային պայմանները թույլ տվեցին, Երևանում սկսեցինք փոսային նորոգման աշխատանքները։ Ծրագրով նախատեսված է 104.000 քմ նորոգման աշխատանքներ ծավալել, որից 75,000 քմ–ն այս պահին արդեն իսկ արված է։ Հաշվի առնելով այս տարվա եղանակային պայմանները, այն է` անձրևները, այնուամենայնիվ, փոսերի խնդիր ունենք։ Այս խնդիրն առկա է մասնավորապես Արաբկիր, Կենտրոն, Նոր Նորք, Էրեբունի վարչական շրջաններում, փոսերն այստեղ գույքագրված են, բայց ծավալները դեռ հաշվարկված չեն։ Այս գիշերվանից սկսվել են փոսալցման աշխատանքները և այսօր էլ կշարունակվեն»,– ասել է պաշտոնյան։ Հարությունյանը Երևանի քաղաքապետ Տիգրան Ավինյանին խնդրել է հանձնարական տալ, որպեսզի կարողանան մեկ անձի սկզբունքով ասֆալտապատման աշխատանքների պայմանագիր կնքել այն վարչական շրջանների հետ, որտեղ ծավալների հաշվարկն ավարտվել է։ Նրա խոսքով` Երևանում փոսալցման աշխատանքներն ավարտելուց հետո նախատեսված է նաև ասֆալտապատման միջին նորոգման ծրագիր իրականացնել, որը պատրաստվում են սկսել հունիսի 1-ից։ Ուշագրավ «Մայիսի 28-ը մեր խորհրդանիշներից է, և պետք է գնան այնտեղ նրանք, ովքեր հակադրություն չունեն արժեքների միջև»,–ասել է նա Նա նշել է, որ դրա հետևանքով բնակավայրերի հետ կապի խնդիր է առաջցել Բագրատ սրբազանը վաղ առավոտյան ուղևորվել է դեպի Կիրանց Շենքի շուրջբոլորը ոստիկանությունը պատնեշներ է տեղադրել Ամենաընթերցվողը բաժնում | Բելառուսում ՀՀ դեսպանը կանչվել է Երևան. Մինսկում «հանգիստ են վերաբերվում Փաշինյանի իմպուլսիվ խոսքերին» «Մենք համագործակցել և գործակցելու ենք Ադրբեջանի հետ բոլոր ոլորտներում, այդ թվում՝ ռազմատեխնիկական»,–ասել է Շպակովսկին ՀՀ-ն պաշտոնապես միացել է ՆԱՍԱ-ի Արտեմիսի համաձայնագրին Համաձայնագիրը ստորագրվել է հունիսի 12-ին Վաշինգտոնում՝ ՆԱՍԱ-ի գլխամասում ՊՆ. Բաքուն ապատեղեկատվություն է տարածում՝ ադրբեջանական դիրքերի ուղղությամբ կրակ չի բացվել Ըստ ադրբեջանական ԶԼՄ–ների, «համարժեք պատասխան միջոցներ են ձեռնարկվել» Վարչապետ․ Կաթողիկոսի և Քոչարյանի առաջնորդած շարժման մասնակիցները հարձակվել են ոստիկանության վրա Նա հավելել է, որ ոստիկանություն գործողությունները եղել են իրավաչափ |