IFC- ի նոր առցանց ուսուցումը կօգնի ֆինանսական հաստատություններին զարգացնել կայուն բանկային համակարգ26 հունիսի 2009 - 14:00 AMT PanARMENIAN.Net - Համաշխարհային բանկի խմբի անդամն (IFC-ն) այսօր հանդիսավոր կերպով ներկայացրեց նոր առցանց ուսուցման ծրագիր, որը նախատեսված է օգնելու ֆինանսական հաստատություններին ավելի լավ պատկերացնել ֆինանսական, սոցիալական եւ բնապահպանական ռիսկերի կայուն կառավարումը եւ ուսումնասիրել կայունության զարգացման գործարար հնարավորությունները, հաղորդում է Հայաստանում IFC մամլո ծառայությունը: Կայունության էլ.-ուսուցում եւ վերապատրաստում ծրագիրը (STEP) հասանելի կլինի Համաշխարհային բանկի ուսուցման կառավարման համակարգի միջոցով 2009թ. հուլիսի 15-ից: Ֆինանսական հաստատությունները ծրագրում մասնակցության համար կարող են գրանցվել www.ifc.org/STEP հասցեում: Մեծապես ինտերակտիվ էլ.-ուսուցման ծրագիրը նախատեսված է ֆինանսական հաստատությունների, այդ թվում բանկերի, մասնավոր ներդրումային հիմնադրամների, վարձակալական ընկերությունների եւ միկրովարկային հաստատությունների ղեկավարների ու աշխատողների համար: Այն նպատակաուղղված է բարելավելու մասնակիցների պատկերացումը սոցիալական եւ բնապահպանական ռիսկերի մասին եւ օգնելու նրանց իրենց պորտֆելներում մշակել գործընթացներ այդպիսի ռիսկերը կառավարելու համար: STEP-ը ֆինանսական հաստատություններին օգնում է նաեւ իրենց առկա պորտֆելներում բացահայտել կայունության զարգացման հնարավորությունները եւ ընդարձակել իրենց տրամադրած ապրանքների տեսականին, ներառելով էներգաարդյունավետության, նորացվող էներգիայի կամ կայուն մատակարարման շղթայի ծրագրերի ֆինանսավորումը: Համաշխարհային ֆինանսական շուկաների գծով IFC-ի տնօրեն Ջորջինա Բեյքըրն ասաց, որ մի շարք ֆինանսական հաստատություններ, որոնց թիվը գնալով ավելանում է, ընդունում են, որ բանկային համակարգի կայունության զարգացումն առաջ է բերում նոր եւ գրավիչ գործարար հնարավորություններ: «Կայունության էլ.-ուսուցում եւ վերապատրաստում ծրագիրն այդ հաստատություններին կօգնի ընդլայնել իրենց առաջարկը եւ կյանքի կոչել կայուն բանկային համակարգի ընձեռած օգուտները»: Սկսած 1997 թվականից IFC-ն ֆինանսական կազմակերպություններին տրամադրում է կայուն զարգացման դասընթացներ անմիջական սեմինար-պարապմունքների տեսքով: STEP-ն հաջորդ սերնդի ուսուցման ծրագիր է, որը նախատեսված է ամբողջ աշխարհում ֆինանսական հաստատությունների ավելի լայն լսարան ընդգրկելու համար: Էլ. ուսուցման հենքն ապահովում է նաեւ ուսուցման հետեւողականությունը, որակը եւ հասանելիությունը: Համաշխարհային բանկի խմբի անդամ IFC-ը մարդկանց համար հնարավորություններ է ստեղծում խուսափել աղքատությունից եւ բարելավել իրենց կենսամակարդակը: Մենք խթանում ենք կայուն տնտեսական աճ զարգացող երկրներում` աջակցելով մասնավոր հատվածի զարգացմանը, համախմբելով մասնավոր կապիտալը եւ տրամադրելով խորհրդատվական ու ռիսկերի հաղթահարման ծառայություններ գործարարներին ու կառավարությանը: Մեր նոր ներդրումները 2008թ.-ի ֆինանսական տարում կազմել են 16.2 միլիարդ դոլար, ինչը 34 տոկոսով ավելի է, քան նախորդ տարում: Լրացուցիչ տեղեկատվության համար այցելեք www.ifc.org: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |