Հայաստանի Եվրոպական շարժումը կոչ է արել կասեցնել ադրբեջանական կեղծիքը

PanARMENIAN.Net - Գաղտնիք չէ որ Ադրբեջանը` մոբլիզիացնելով իր հասարակական եւ քաղաքական բոլոր ռեսուրսները ողջ աշխարհում, մասնավորապես Եվրոպայում իրականցնում է հակահայկական լայն քարոզչություն: Վերջին մեկ տարվա ընթացքում այդ քարոզչության ծավալները կտրուկ ավելացել են»,-ասվում է Հայաստանի Եվրոպական Շարժման մամլո հաղորդագրության մեջ:



Ադրբեջանցի ցանկացած ուսանող, հասարակական կազմակերպության ներկայացուցիչ, էմիգրանտ կամ դիվանագետ հանդիսանում է իր պետության «զինվորը» քարոզչություն իրականացնելու գործում: Այդ քարոզչական աշխատանքների մասին տեղեկատվությունը մենք ստանում ենք գրեթե ամեն օր, Եվրոպայի տարբեր ծայրերից: Քարոզչության հետեւանքով Եվրոպական քաղաքական, գիտական եւ հասարակական շրջանակներում ձեւավորվում է Հայաստանի նկատմամբ բացասական պատկեր, որը շտկելու համար մեզ հետագայում տասնամյակներն էլ բավարար չեն լինելու:



Բացի այդ ռուս-վրացական պատերազմը ցույց տվեց, որ 21-րդ դարում քարոզչական պատերազմը ռազմականից պակաս կարեւորություն չունի:



«Մենք այս կապակցությամբ խիստ անհանգստացած ենք եւ գտնում ենք որ սպասելու ժամանակ այլեւս չունենք: Հայաստանը պարտվում է քարոզչական պատերազմում եւ այլոց սուտը չպետք է աշխարհում գերիշխի մեր ճշմարտությանը», - նշում է Հայաստանի Եվրոպական Շարժման նախագահ Վիկտոր Ենգիբարյանը: