Ռուս-վրացական դիմակայություն. մեկ տարի անց 7 օգոստոսի 2009 - 11:56 AMT PanARMENIAN.Net - Մեկ տարի է անցել Վրաստանի ու Հարավային Օսեթիայի միջեւ հնգօրյա պատերազմից, որը վերածվեց ռուս-վրացական դիմակայության: Ինչպես հայտարարել է Վրաստանի նախագահ Միխաիլ Աահակաշվիլին մեկ տարի առաջ, ռազմական գործողությունները Ցխինվալի դեմ ուղղված էին «սահմանադրական կարգի եւ Վրաստանի տարածքային ամբողջականության վերականգնմանը»: Սակայն, ըստ առաջատար փորձագետների, Ցխինվալի վրա հարձակվելու Վրաստանի նախագահի որոշումը մեծ սխալ էր: Ավելին, Սահակաշվիլին գործում էր իմպուլսիվ, նույնիսկ եթե դա ՌԴ-ի կողմից սադրանքի արդյունք էր, ինչը չի կարելի ապացուցված փաստ համարել: Ինչպես հայտնի է, Սահակաշվիլիի գործողությունները Ռուսաստանի անհապաղ պատասխանը ստացան, որն իր ռազմական ստորաբաժանումներն էր պահում տարածաշրջանում: Մոսկվան լրացուցիչ ռազմական զորակազմ, տանկեր ու զրահամեքենաներ ուղարկեց Վրաստանի տարածք: Վրացական բանակը չկարողացավ դիմադրել ռուսական բանակին: Այն շատ արագ պարտվեց: Երկու կողմերը համաձայնվեցին հրադադարի Ֆրանսիայի առաջարկած պայմաններով: Օգոստոսի վերջում ՌԴ-ն ճանաչեց Հարավային Օսեթիայի ու Աբխազիայի անկախությունը: Վերջերս ԱՄՆ փոխնախագահ Ջո Բայդենի Թբիլիսի այցելության ժամանակ, նա զգուշացրեց Վրաստանի նախագահին, որ ռազմական ուժի կիրառումյը Հարավային Օսեթիայում եւ Վրաստանում վերահսկողությունը վերականգնելու նպատակով, անհնար է: Մինչդեռ, Վրաստանի կառավարությունը 190-էջանոց զեկույց ներկայացրեց «Զեկույց Վրաստանի դեմ ՌԴ-ի կողմից իրականացված լայնածավալ ագրեսիայի վերաբերյալ» խորագրով: Զեկույցում ասվում է, որ Հարավային Օսեթիայում ծավալված պատերազմի ժամանակ 412 մարդ զոհվեց, այդ թվում 170 զինծառայող ու 228 խաղաղ բնակիչ: Վիրավորվեց 1747 մարդ, եւս 24 անհայտ կորած են համարվում: Նախկինում, 2008թ. սեպտեմբերին վրացական իշխանությունները հաղորդում էին վրացական կողմից 326 զոհվածի, 2234 վիրավորի ու 14 անհայտ կորածի մասին: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |