Վահագն Չախալյանին տեղափոխել են խստացված ռեժիմի գաղութ25 օգոստոսի 2009 - 18:58 AMT PanARMENIAN.Net - Ջավախքահայ քաղաքական ակտիվիստ Վահագն Չախալյանը, որը 2009թ. հուլիսի 31-ին Թբիլիսիի Գլդանի N8 մեկուսարանից տեղափոխվել էր Ռուսթավիի N2 ընդհանուր ռեժիմի գաղութ, 2009թ. օգոստոսի 21-ին նորից տեղափոխվել է` այս անգամ արդեն Ռուսթավիի N6 խստացված ռեժիմի գաղութ: Ինչպես PanARMENIAN.Net ին հաղորդել են Հայրենադարձության եւ յուրացման «Երկիր» Հասարակական կազմակերպությունների միությունից, վրացական իշխանությունները, փոխանակ ապահովելու ջավախքահայ քաղաքական ակտիվիստի անվտանգությունը, էլ ավելի են վտանգում այն` տեղափոխելով նրան մի հաստատություն, որտեղ պատիժ են կրում ծանր եւ հատկապես ծանր հանցագործություն կատարած անձինք: «Վահագն Չախալյանի նկատմամբ բանտային ուղղակի եւ անուղղակի ճնշման ուժեղացմանն ուղղված այս քայլով վրացական իշխանությունները նաեւ հույս ունեն կոտրել դատարանում պայքարը շարունակելու նրա վճռականությունը, քանի որ դատավարության ընթացքում ավելի ու ավելի է բացահայտվում քրեական գործի ամբողջովին շինծու բնույթը: Հիմք ընդունելով վերոնշյալը` «Երկիր» միությունը պահանջում է վրացական իշխանություններից անհապաղ դադարեցնել Վահագն Չախալյանի անձի նկատմամբ բանտային ճնշումները եւ երաշխավորել նրա անվտանգությունը` տեղափոխելով նրան մինչեւ բողոքարկման ամբողջ գործընթացի ավարտը (այդ թվում` նաեւ վերադաս ատյաններում) բանտարկության նախկին վայր` Գլդանի N8 մեկուսարան: «Երկիր» միությունը խնդրում է Վրաստանի հանրային պաշտպան Սոզար Սուբարիին, Վրաստանում հավատարմագրված դիվանագիտական ներկայացչություններին, միջազգային իրավապաշտպան կազմակերպություններին գործուն միջոցներ ձեռնարկել ջավախքահայ քաղաքական ակտիվիստի նկատմամբ վրացական իշխանությունների կողմից այս ճնշումների նոր ալիքը անհապաղ դադարեցնելու եւ նրա անվտանգությունն ապահովելու ուղղությամբ»,- ասվում է «Երկիր» միության հայտարարության մեջ: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ՄԱԿ հանձնաժողովը մտահոգված է Բաքվի կողմից հայերի արտադատական սպանություններով, խոշտանգումներով և հետաքննության բացակայությամբ Նաև մտահոգություն է արտահայտվում հայ 23 անձի շարունակվող կալանավորման առնչությամբ Փաշինյանը մեկնել է Դանիա Նա կմասնակցի «Առաջնագծից․ Հայաստանի ժողովրդավարության պաշտպանությունը» թեմայով քննարկմանը Բաքվում ԱՄՆ դեսպանատուն․ Սատարում ենք Ադրբեջանի և ՀՀ ղեկավարներին և աջակցություն առաջարկում խաղաղության հասնելու գործում Կոչ է արվում պահպանել այդ դինամիկան և համաձայնագիր ստորագրել «նախորդ բանակցությունների հիման վրա» Երևանը կհյուրընկալի կարատեի Եվրոպայի 2025-ի մեծահասակների առաջնությունը 2027-ին Եվրոպայի կարատեի պատանիների, երիտասարդների առաջնությունը ևս կանցնի Հայաստանում |