Երեւանը եւ Անկարան գիտակցեցին հայ-թուրքական գործընթացի հրապարակայնության եւ թափանցիկության անհրաժեշտությունը 1 սեպտեմբերի 2009 - 18:40 AMT PanARMENIAN.Net - Հայաստանի եւ Թուրքիայի համատեղ հայտարարությունում եւ դիվանագիտական հարաբերությունների հաստատման Արձանագրություններում Հայաստանի համար կան մի շարք դրական կետեր: Այս մասին Երեւանում կայացած մամլո ասուլիսուն հայտարարեց Գլոբալիզացման եւ տարածաշրջանային համագործակցության վերլուծական կենտրոնի ղեկավար Ստեփան Գրիգորյանը: «Երեւանը եւ Անկարան գիտակցեցին երկկողմանի հարաբերությունների գործընթացի բարելավվման հրապարակայնության եւ թափանցիկության անհրաժեշտությունը: Նույնիսկ ամենալավ փաստաթուղթը չի դառնա իրական առանց հանրության հավանության: Բացի այդ, Արձանագրություններում հստակ նշված են այս կամ այն գործառությունների իրականացման ժամկետները: Սա շատ կարեւոր տեսակետ է, քանի որ ողջ ընթացքում Հայաստանում անհանգստություն էր նկատվում Թուրքիայի կողմից գործընթացի ձգձգման առնչությամբ»,- ընդգծեց հայ վերլուծաբանը: Նա դրական համարեց այն հանգամանքը, որ «Դիվանագիտական հարաբերությունների հաստատման վերաբերյալ» Արձանագրությունում բոլոր դրույթները համապատասխանում են միջազգային փաստաթղթերին, եւ դա շատ կարեւոր է, մասնավորապես Թուրքիայի դեպքում: «Փաստաթղթերի մեջ չի հիշատակվում Կարսի պայմանագիրը, ինչը նույնպես փաստաթղթի դրական կողմերից է: Սակայն այստեղ ընդգծվում է «ընդհանուր սահման» բառակապակցությունը: Հայաստանը, լինելով ՄԱԿ-ի անդամ, ճանաչել է ուրիշ երկրների տարածքային ամբողջականությունը եւ սահմանները»,- նկատեց Ստեփան Գրիգորյանը: Նա ավելացրեց նաեւ, որ Արձանագրություններում չկա ոչ մի խոսք Ղարաբաղի խնդրի վերաբերյալ, ինչը նշանակում է, որ Անկարան հրաժարվել է նախապայմանների քաղաքականությունից: «Այս ամենը ապացուցում է, որ Անկարան նախաձեռնել է լուրջ քայլեր Հայաստանի նկատմամբ եւ այս թույլ կտա Հայաստանի նախագահին մեկնել Թուրքիա պատասխան ֆուտբոլային հանդիպումը դիտելու»,- հայտարարեց Գրիգորյանը: Նրա խոսքերով, հայ-թուրքական գործընթացի առկա դրական միտումները կպահպանվեն: «Ինչ վերաբերում է այս Արձանագրությունների` Հայաստանի եւ Թուրքիայի խորհրդարաններում վավերականցվելուն, ես կարծում եմ, որ երկու երկրների օրենսդիր մարմինները հավանություն կտան այս փաստաթղթերին»,- ասաց Ստեփան Գրիգորյանը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Ըստ ՄԱԿ–ում Թուրքիայի ներկայացուցչի՝ Հայաստանը ճիշտ ճանապարհով է շարժվում «Ադրբեջանական գյուղերի վերադարձը տարածաշրջանում խաղաղության վերականգնման առանցքային գործոն է»,–ասել է նա Հանրայինն արգենտինացիների հետ համատեղ սերիալ կնկարահանի Արգենտինայի հաղորդակցությունների պետական մարմնի հետ համագործակցության պայմանագիր է կնքվել ՔՊ–ական պատգամավոր․ «Շողակաթը» ի՞նչ հեռուստաընկերություն է, ո՞ւմ է պատկանում, ի՞նչ պիտի եթեր տա Հակոբյանը պատասխանել, որ կարծում են, որ ալիքի եկեղեցական բաղադրիչը պետք է նվազեցվի Միրզոյանը՝ ՀԱՊԿ–ի մասին․ Չենք ուզում մաս կազմել չաշխատող մեխանիզմի «Մենք դեռ ՀԱՊԿ անդամ ենք, բայց պետք է աշխատենք, որ բոլոր մեխանիզմները գործեն»,–ասել է նա |