Լարվածության նվազումը Թուրքիայի ու Հայաստանի միջեւ շահավետ է ԱՄՆ-ին 8 սեպտեմբերի 2009 - 14:11 AMT PanARMENIAN.Net - Մեկ շաբաթ առաջ Հայաստանն ու Թուրքիան հայտարարեցին դիվանագիտական հարաբերությունները վերսկսելու եւ երկու երկրների միջեւ սահմանը բացելու մասին, որից հետո մեկնարկեց բանակցությունների շարքը` հին վեճերի լուծման համար: Անշուշտ, այս արձանագրությունները պետք է վավերացվեն Հայաստանում եւ Թուրքիայում: Իրադարձությունների այս շրջադարձը կնպաստի կայունացմանը տարածաշրջանում, ինչը բխում է ԱՄՆ-ի ու Եվրոպայի շահերից, գրում է The Global Post-ը: «Սահմանի բացումը կնպաստի Հայաստանի տնտեսության զարգացմանը եւ կվերակողմնորոշի երկրի դիրքորոշումը Արեւմուտքի եւ Արեւելքի միջեւ: ԱՄՆ-ն գտնում է, որ հարաբերությունների բարելավումը Հայաստանի ու Թուրքիայի միջեւ կարող է դրական ազդեցություն ունենալ` մասնավորապես սեւծովյան տարածաշրջանի բազում «սաեռցված» հակամարտությունների վրա, որոնք սպառնում են ազգայնամոլության բռնկմամբ եւ նպաստում են տնտեսության անկմանը: «Ճանապարհային քարտեզում» ասվում է, որ միջազգային հանձնաժողովը կուսումնասիրի 1915թ. իրադարձությունները եւ դրանց հետեւանքները, որոնք փչացրեցին Հայաստանի եւ Թուրքիայի հարաբերույթունները 100 տարով: Զարմանալի կլինի, եթե խումբը կարողանա լուծել այս հին խնդիրը, սակայն առավել զարմանալի կլինի, եթե լարվածության թուլացումը Երեւանի ու Անկարայի միջեւ ավարտվի ԱՄՆ Կոնգրեսում տեւական բանավեճով Հայոց ցեղասպանության մասին բանաձեւի շուրջ: Հաշվի առնելով տարածաշրջանային շահերը, Ամերիկային առավել շահավետ կլինի հետեւել տեւական երկկողմ հակամարտությանը, ներառյալ Իրանը, Ռուսաստանն ու էներգետիկ անվտանգությունը: Այս դեպքում ԱՄՆ-ն կկարողանա վերահսկել հայ-թուրքական հարաբերությունների «բեմահարթակը»: Հայ-թուրքական հարաբերությունների բարելավման հույսը կարող է դա իրական դարձնել: Գործընթացը արժանի է շարունակման եւ աջակցության Վաշինգտոնի կողմից»,-գրում է թերթը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ՀՀ–Ադրբեջան սահմանին տեղադրվել է 35 սահմանային սյուն՝ նախատեսված աշխատանքների կեսից ավելին արվել է Նշվում է, որ երկու երկրների փորձագիտական խմբերի աշխատանքները շարունակվում են Կիրանցի բնակիչները կառավարության շենքում հանդիպում են Փաշինյանի հետ Կառավարության շենք է մտել նաև Տավուշի մարզպետ Եվրահանձնաժողովի գլխավոր տնօրենը կժամանի Հայաստան Այցը տարածաշրջանային է ԱՆ․ Տավուշում գործընթացի վերաբերյալ կեղծ թեզեր են հնչում Դրանցից ամենատարածվածներին նախարարությունն անդրադարձել է իրավական տեսանկյունից |