  HSBC Բանկ Հայաստանի ավելի քան 900 հաճախորդներ օգտվում են ինտերնետային բանկային համակարգի ծառայությունից14 սեպտեմբերի 2009 - 14:59 AMT PanARMENIAN.Net - HSBC Բանկ Հայաստան ՓԲԸ-ն իր ֆիզիկական անձ հաճախորդներին է ներկայացնում գերժամանակակից ծառայություն` ինտերնետային բանկային համակարգ: Ծառայությունը հաճախորդներին հնարավորություն է ընձեռում իրենց բոլոր անկանխիկ գործառնություններն իրականացնել ցանկացած վայրից` տարվա ընթացքում 365 օր եւ օրական 24 ժամ, հաղորդում է բանկի մամլո ծառայությունը: «Ավելի քան 900 հաճախորդ արդեն իսկ օգտվում են ծառայությունից եւ կարողանում են ստուգել իրենց հաշիվները, գործարքներն իրականացնել, ինչպես նաեւ նոր հաշիվներ բացել օնլայն ռեժիմում»,- ասվում է հաղորդագրության մեջ: Ինտերնետային բանկային ծառայության ներդրման արդյունքում բանկի ինտերնետային կայքի այցելուների քանակը զգալիորեն աճել է` հասնելով ամսական 15000-ի եւ դարձնելով www.hsbc.am -ը բանկի ամենախոշոր մասնաճյուղը, որը երբեք չի փակվում: Ծառայությանը կարող են օգտվել բոլոր ֆիզիկական անձ հաճախորդները, որոնք ունեն ինտերնետային կապ եւ Էյչ-Էս-Բի-Սի Բանկ Հայաստանի կողմից տրամադրված բանկոմատային քարտ: Գրանցվելու գործընթացը անվտանգ է եւ պարզ: Գրանցման գործընթացի ժամանակ հաճախորդներին աջակցելու նպատակով բանկի ինտերնետային կայքում տեղադրվել է ծրագրի ցուցադրական տարբերակ եւ հաճախակի տրվող հարցերի ցանկ, որոնցից կարելի է օգտվել օնլայն ռեժիմում, ինչպես նաեւ հատկացվել է թեժ գիծ` (+374 10) 515444, որտեղ տեխնիկական աջակցության թիմի մասնագետները հաճախորդներին համապատասխան աջակցություն եւ տեղեկատվություն են տրամադրում: Ինտերնետային բանկային ծառայությունը 2 միլիոն ԱՄՆ դոլար արժողությամբ ներդրում է, որը Էյչ-Էս-Բի-Սի-ի հաճախորդներին է տրամադրում իրենց հաշիվները կառավարելու ապահով ինտերնետային համակարգ: Հաճախորդների ինտերնետային բանկային գործառնությունները պաշտպանելու համար Էյչ-Էս-Բի-Սի-ն օգտագործում է ներկայիս ամենաապահով տեխնոլոգիաներից մեկը: Համակարգ մուտք գործելը եւ ինտերնետային բանկային ծառայության միջոցով գործարքներ իրականացնելը պաշտպանված է հարմարավետ անվտանգության սարքի օգտագործմամբ, որը հաճախորդներին տրամադրվում է ծառայության համար գրանցվելուց հետո: Էյչ-Էս-Բի-Սի-ի Ինտերնետային բանկային ծառայությունը նոր է Հայաստանի հաճախորդների համար, սակայն այն արդեն իսկ օգտագործվում է ավելի քան 40 միլիոն հաճախորդների կողմից աշխարհի ավելի քան 40 երկրներում, որոնք այս ծառայությունը համարում են բանկային գործարքներ իրականացնելու ամենահարմարավետ եւ անվտանգ եղանակը: Այն հնարավորություն է ընձեռում ցանկացած վայրից, ցանկացած պահի հսկել եւ կառավարել ֆինանսները: Էյչ-Էս-Բի-Սի Բանկ Հայաստան ՓԲԸ-ն առաջին միջազգային բանկն է Հայաստանում, որը բացվել է 1996 թվականին: Բանկի բաժնետոմսերի 70 տոկոսը պատկանում է Էյչ-Էս-Բի-Սի EմբCY, իսկ մնացած 30 տոկոսը սփյուռքահայ ներդրողներին: Էյչ-Էս-Բի-Սի Բանկ Հայաստան ՓԲԸ-ն ունի 9 մասնաճյուղ եւ գրասենյակ Երեւանում, ինչպես նաեւ 46 բանկոմատ:   Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով   Ամենաընթերցվողը բաժնում |  Բաժիններ թեմայով Վերջին լուրեր Ալիև․ Սահմանազատումը մեր պայմաններով անցկացնելը մեր հերթական հաղթանակն է՝ 4 գյուղ ենք ստանում առանց մի կրակոցի  Նա այդ մասին ասել է օկուպացված ՇուշիումՍամվել Բաբայան․ Փաշինյանը վաղուց պետք է հրաժարական տար Բաբայանի խոսքով՝ գլոբալ, ռազմավարական պետք է որոշվի՝ ինչ ենք անում, որն է մեր նպատակըՀՀ-ն ու Իսպանիան կգործակցեն սպորտի ոլորտում․ Հուշագիր է ստորագրվել Կողմերը կհամագործակցեն նաև մասնագետների, տեխնիկական անձնակազմի և փորձագետների փոխանակման շրջանակումՌուբեն Վարդանյանի ուղերձը «Ավրորային»․ Ավելի, քան երբևէ, համոզված եմ` արժեքներն ու սկզբունքներն ավելի կարևոր են, քան նույնիսկ կյանքը «Արցախ տեղափոխվելու որոշումս կայացրեցի «Ավրորա»-ի հերոսների շնորհիվ»,–նշել է նաև Բաքվի բանտից ուղարկված ուղերձում |
