Հայաստանի վարչապետը մասնակցել է «Doing Business 2010» զեկույցի քննարկմանը29 սեպտեմբերի 2009 - 21:36 AMT PanARMENIAN.Net - Հայաստանի Հանրապետության վարչապետ Տիգրան Սարգսյանն այսօր մասնակցել է «Էրեբունի Պլազա» հյուրանոցային համալիրում Համաշխարհային բանկի եւ Հայաստանի Հանրապետության կառավարության համատեղ կազմակերպված «Doing Business 2010» թեմայով քննարկմանը, հաղորդում է կառավարության մամլո ծառայությունը: Քննարկմանը մասնակցում էին նաեւ մասնավոր հատվածի ու քաղաքացիական հասարակության ներկայացուցիչներ:Ողջունելով քննարկման մասնակիցներին` Հայաստանի Հանրապետության վարչապետ Տիգրան Սարգսյանը կարեւորել է Հայաստանում բիզնես միջավայրի բարելավման խնդիրները եւ նշել, որ Հայաստանի Հանրապետության նախագահի հանձնարարությամբ ձեւավորվել է աշխատանքային խումբ, որի նպատակն է բարելավել «Doing Business» զեկույցում արտացոլված ցուցանիշները: «Չնայած առաջընթացին, լուրջ ու հետեւողական աշխատանք պետք է տարվի ոչ միայն օրենսդության, այլեւ վարչարարության պրակտիկայի բարելավման ուղղությամբ»,- ասել է նա: Տիգրան Սարգսյանը Հայաստանի դիրքի յոթ տեղով բարձրացումը գոհացուցիչ չի համարել: «Այս առումով անելիքներ կան, որոնցում հաջողություն ունենալու համար կարեւոր է մասնավորի եւ հասարակական կազմակերպությունների ու պետության գործակցությունը»,- նշել է վարչապետը: Քննարկումը նվիրված էր բիզնես միջավայրի խնդիրներին, որոնք հիմնված են «Doing Business 2010»-ի հետազոտությունների վրա: Հետազոտության խորագիրն է «Բարեփոխվելով դժվար ժամանակներում», որ թվով 7-րդ տարեկան զեկույցն է` հրատարակված Արժույթի միջազգային հիմնադրամի եւ Համաշխարհային բանկի կողմից: Զեկույցում նշվել է, որ այս տարի Հայաստանն իր դիրքերը բարելավել է` անցյալ տարվա 50-րդ տեղից հասնելով 43-րդին համաշխարհային 183 տնտեսությունների շարքում: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Զախարովա․ ՌԴ–ն չի առաջարկել ՀՀ-ին դուրս բերել իր բոլոր սահմանապահներին Նա սուտ է անվանել այդ տեղեկությունները Բաքվի դատարանը 5 ամսով երկարացրել է Արցախի նաև մյուս ղեկավարների ապօրինի կալանքը Դատարանը բավարարել է ներկայացված միջնորդությունները Երևանի ոստիկանապետ. Սովորական ծառայություն է, մեծաթիվ չէ Ազատության հրապարակ տանող հատվածներում արգելապատնեշներ են դրված, հարակից փողոցները փակ են ԲՏԱ նախարարն ու Նուբար Աֆեյանը խոսել են ներդրումային հիմնադրամ ստեղծելու հայեցակարգի մասին Նուբար Աֆեյանն ընդգծել է Հայաստանի զարգացմանն ուղղված ծրագրերի կարևորությունը |