Երեւանում բացվեց «EXPO-RUSSIA ARMENIA» ցուցահանդեսը29 հոկտեմբերի 2009 - 14:13 AMT PanARMENIAN.Net - «EXPO-RUSSIA ARMENIA» ցուցահանդեսը կբարձրացնի երկու բարեկամական երկրների` Հայաստանի եւ Ռուսաստանի ժողովուրդների բարեկեցությունը: Այդ մասին ասվում է Ռուսաստանի արտաքին գործերի նախարար Սերգեյ Լավրովի ուղերձում, որը ռուսաստանյան արդյունաբերական երկրորդ ցուցահանդեսի մասնակիցների եւ ներկա գտնվողների համար կարդաց Հայաստանում Ռուսաստանի արտակարգ եւ լիազոր դեսպան Վյաչեսլավ Կովալենկոն: «Վստահ եմ, որ ցուցահանդեսն իր մեծ ներդրումը կունենա Հայաստանի եւ Ռուսաստանի բազմակողմ համագործակցության առավել խորացման գործում եւ կնպաստի երկու ժողովուրդների բարեկեցության բարձրացմանը»,- ասվում էր ուղերձում:Լավրովի խոսքերով, հայ եւ ռուս ժողովուրդները միշտ կապված են եղել բարեկամական կապերով, դրան զուգահեռ այսօր արագ զարգանում են առեւտրատնտեսական կապերը, կայուն աճում է ապրանքաշրջանառությունը, ինչպես նաեւ Հայաստանի տնտեսության մեջ մեծ դեր են խաղում ռուսական ներդրումները: «Երկու երկրների հարաբերությունների ամրապնդման գործում մեծ դեր են խաղում «EXPO-RUSSIA ARMENIA» ցուցահանդեսի պես միջոցառումները, որոնց ընթացքում հնարավորություններ են ընձեռվում երկու պետությունների ներկայացուցիչների, մասնավոր սեկտորի, քաղաքացիական հասարակության ներկայացուցիչների համար փորձի փոխանակման եւ փոխշահավետ նախագծերի մասին պայմանավորվածություններ ձեռք բերելու», ավելացրեց նա: Ռուսաստանյան համագործակցության ղեկավարի տեղակալ Իգոր Մորոզովն իր հերթին հույս հայտնեց, որ ցուցահանդեսը ավանդույթ կդառնա, որի համար արվում է ամեն հնարավորը: «Ցուցահանդեսը մեկ նպատակ է հետապնդում` միավորել ՀՀ եւ ՌԴ բոլոր հնարավորությունները երկու տնտեսությունների ինտեգրացման համար, որպեսզի կարողանանք համագործակցել, հզորացնել եւ զարգացնել մեր առեւտրատնտեսական կապերը եւ ինովացիոն ներուժը»,- ասաց նա: Ռուսաստանյան արդյունաբերական «EXPO-RUSSIA ARMENIA» ցուցահանդեսը Երեւանում կանցկացվի հոկտեմբերի 29-31-ը: Ցուցահանդեսի նպատակն է` զարգացնել Ռուսաստանի եւ Հայաստանի միջեւ տնտեսական, գիտատեխնիկական, մշակութային համագործակցություն, երկու երկրների միջեւ հաստատել եւ ամրապնդել կապերը, զարգացնել համատեղ գործարարություն, առեւտրատնտեսական եւ ներդրումային հարաբերություններ: Ցուցահանդեսում կներկայացվեն ռուսական ավելի քան 70 ընկերություններ տարբեր բնագավառներից, ինչպիսիք են` էներգետիկայի, մեքենաշինության, մետալուրգիայի, բարձր տեխնոլոգիաների, նանոտեխնոլոգիաների, շինարարության, ավտոմոբիլային արդյունաբերության, հեռահաղորդակցության եւ կապի, նավթագազային արդյունաբերության, գյուղատնտեսության եւ շինարարական տեխնիկայի, բժշկության եւ դեղագործության նոր տեխնոլոգիաները: Ցուցահանդեսին կմասնակցեն այնպիսի ռուսական ընկերություններ, ինչպիսիք են` «ՌԵՈՒ» ԲԲԸ, «Գոռնիե մաշինի» ՓԲԸ, Յարոսլավլի էլեկտրամեքենաշինական գործարանը, «Էլդին» ԲԲԸ, Հյուսիսկովկասյան աէրոգեոդեզիական ձեռնարկությունը, Մակերեւույթի եւ վակուումի յուրահատկությունների ուսումնասիրման գիտահետազոտական կենտրոնը (ՄՎԳՀԿ), «Կրիստալ» ԲԲԸ քիմիական գործարանը, Կենսաօրգանական քիմիայի ինստիտուտը: Ցուցահանդեսի աշխատանքների ընթացքում կանցկացվի «Ռուսաստան-Հայաստան» տնտեսական համագործակցություն» համաժողով, ինչպես նաեւ կկազմակերպվեն հանդիպումներ նախարարությունների, գերատեսչությունների ներկայացուցիչների հետ, այցելություններ կլինեն Հայաստանի առաջադեմ ձեռնարկություններ, կկազմակերպվեն կլոր սեղաններ: Ցուցահանդեսի կազմակերպիչներն են` «Մուլտի գրուպ» կոնցեռնը եւ «Զարուբեժ-էքսպո» ԲԲԸ-ն: Տեղեկատվական աջակցություն են ցուցաբերել ավելի քան 50 ռուս-հայկական ԶԼՄ-ներ: Ցուցահանդեսն անցկացվում է Ռուսաստանի եւ Հայաստանի նախարարությունների, գերատեսչությունների, մասնագիտացված ճյուղային միությունների աջակցությամբ: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |