11 մարտի 2002 - 21:29 AMT
PanARMENIAN.Net - ԱՄՆ հանդես են եկել միջուկային չտարածման վերաբերյալ միջազգային կոնֆերանս հրավիրելու նախաձեռնությամբ, որը կկայանա մարտի 12-13-ը Թբիլիսիում: ԱՄՆ եւ Վրաստանի մասնագետների հետ մեկտեղ կոնֆերանսի աշխատանքներին կմասնակցեն Հայաստանի, Ադրբեջանի Ուկրաինայի եւ Ատոմային էներգիայի Միջազգային գործակալության ներկայացուցիչները: Ինչպես տեղեկացրել են հանդիպման կազմակերպիչները, հիմնական ուշադրությունը կհատկացվի ռազմական ու կրկնակի նշանակության տեխնոլոգիաների եւ ապրանքների մաքսանենգության հակազդմանը, արտահանման վերահսկման ամրապնդմանը, ճեղքվող նյութերի պահպանման եւ անվտանգության ապահովմանը: Միացյալ Նահանգները, ինչպես տեղեկացնում է «Արմինֆո» գործակալությունը, մեծ ուշադրություն են հատկացնում այդ խնդիրներին հատկապես սեպտեմբերի 11-ի իրադարձություններից հետո միջազգային ահաբեկչական գործողությունների դեմ պայքարի լույսի ներքո: ԱՄՆ նախատեսում են հետագայում այդպիսի կոնֆերանսներ անցկացնել Հայաստանում եւ Ադրբեջանում:
Լրատվության արտատպելու, կամ օգտագործելու դեպքում հղումը "PanARMENIAN.Net -ի վրա պարտադիր է:
Վերջին լուրեր
ՊՆ․ Զինծառայողների հարազատները ծանրոցներ ուղարկում են բացառապես կամավոր 
Նշվում է, որ զինծառայողների թիկունքային ապահովման բոլոր աշխատանքները պատշաճ իրականացվում են
Ուշագրավ
