Հայաստանի ֆուտբոլի երիտասարդական հավաքականը չկարողացավ պահել հաղթանակը

PanARMENIAN.Net - Նոյեմբերի 14-ին Հայաստանի ֆուտբոլի երիտասարդական հավաքականը 2011թ. Եվրոպայի առաջնության ընտրական փուլում հանդիպեց էստոնացիների հետ: 1-ին խաղակեսի 24-րդ րոպեին առաջին գոլը խփեց հայկական հավաքականի կիսապաշտպան Հենրիկ Մխիթարյանը (Դոնեցկի «Մետալուրգ») :



Առաջին խաղակեսում ավելի շատ հարձակման էին դիմում հայ ֆուտբոլիստները եւ գոլ խփելու ավելի շատ շանսեր ունեին, սակայն չկարողացան օգտվել իրենց առավելությունից:



2-րդ խաղակեսի 21-րդ րոպեին Ալբերտ Թադեւոսյանը («Փյունիկ») խփեց երկրորդ գոլը, սակայն այն հաշվի չառնվեց, քանի որ «խաղից դուրս» վիճակ էր:



Էստոնացիները կարողացան հավասարեցնել հաշիվը միայն լրացուցիչ րոպեին: Գոլի հեղինակն է Արտյոմ Արտյունինը:



Խաղն ավարտվեց ծեծկռտուքով, որից հետո կարմիր քարտ ստացավ ՀՀ հավաքականի ֆուտբոլիստ Արտակ Ալեքսանյանը («Փյունիկ»):



Այսպիսով B խմբում Հայաստանը զբաղեցնում է վերջին տեղը 1 միավորով:



2-րդ խմբում մրցաշարային աղնյուսակը հետեւյալ տեսքն ունի`



Շվեյցարիա-10 միավոր

Թուրքիան-9 միավոր

Էստոնիա-8 միավոր

Վրաստան-5 միավոր

Իռլանդիա-4 միավոր

Հայաստան-1 միավոր: