Ռուսաստանի մայրաքաղաքում ավարտին է մոտենում ավանդական «Մոսկովյան օփենը», որն անցկացվում է մի քանի խմբով:

Խաղացված յոթ տուրից հետո A մրցաշարում գրոսմայստեր Արթուր Գաբրիելյանը (Ռուսաստան) վաստակել է 4,5 միավոր: 6 միավորով առաջատարն է գրոսմայստեր Կրիշնան Սաշիկիրանը (Հնդկաստան):

B մրցաշարում հիանալի է հանդես գալիս Դավիթ Շահինյանը (Հայաստան): Նա հարյուրտոկոսանոց արդյունքով` 7 միավոր, միանձնյա առաջատարն է: Տիգրան Սիմոնյանը (Հայաստան) 6 միավորով բաժանում է 2-րդ տեղը:

C մրցաշարում, որտեղ հանդես են գալիս կանայք, գրոսմայստեր Լիլիթ Գալոյանը (Հայաստան) եւ միջազգային վարպետ Կարինա Համբարձումովան (Ռուսաստան) ունեն 5-ական միավոր:

Մրցաշարը կավարտվի փետրվարի 7-ն:

Moscow Open 2010 բաղկացած է 6 առանձին մրցաշարերից. «A գլխավոր մրցաշար»; «B սիրողական մրցաշար»; «C կանանց մրցաշար»; «D մրցաշար` հաղթանակի հասակակիցներ»; «E մրցաշար` «Հաղթանակի ժառանգորդները» (մանկական); «F մրացաշար` շախմատային կոմպոզիցիաների լուծման աշխարհի երկրորդ Գավաթ»: