«Եվրատեսիլ մրցույթն արժանի չէ լուրջ վերաբերմունքի եւ գնահատականի, քանի որ իրենից ներկայացնում է ազգային մշակույթների աղավաղման միջոց: Կարծում եմ, որ չպետք է այդպիսի ուշադրություն դարձնել Հայաստանի մասնակցությանն այդ մրցույթին», - նշել է PanARMENIAN.Net-ի թղթակցի հետ զրույցում Հայաստանի արվեստի վաստակավոր գործիչ, կոմպոզիտոր <b>Արզաս Ոսկանյանը</b>:
Եվրատեսիլում ներկայացվելիք Եվա Ռիվասի երգի մասին կոմպոզիտորը կարծիք չհայտնեց, սակայն ընդգծեց. «Թուրքիան շատ բանի է հավակնում, եւ որոշակի քայլեր է ձեռնարկում օտար մշակութային ժառանգությունը սեփականացնելու համար: Եվ զարմանալի չէ, որ լսելով երգում արեւելյան երանգներ, իրեն թալանված է զգում: Իսկ այն, որ Թուրքիան դեռ չի հավակնում հայկական միջնադարյան երաժշտությանը, դա խոսում է այն մասին, որ նա դեռ չգիտի այդ երաժշտության գոյության մասին»:
