2010 թվականի գարնանը Ամերիբանկը միանգամից 3 պայմանագիր կկնքի ՎԶԵԲ-ի հետ

26 փետրվարի 2010 - 17:12 AMT

PanARMENIAN.Net -
2010 թվականի գարնանը Ամերիբանկը միանգամից 3 պայմանագիր կկնքի Վերակառուցման եւ զարգացման եվրոպական բանկի` ՎԶԵԲ-ի հետ: Այդ մասին լրագրողների հետ հանդիպմանը հայտարարել է բանկի զարգացման գծով տնօրեն Տիգրան Ջրբաշյանը: Ըստ նրա, խոշոր բիզնեսի ֆինանսավորման նպատակով առաջիկա օրերին բանկը ՎԶԵԲ-ի հետ 10 մլն դոլարի պայմանագիր կկնքի համաֆինանսավորման մասին: Ըստ նրա, ՎԶԵԲ-ի հետ երկրորդ պայմանագիրը կրկին 10 մլն դոլարի չափով կլինի, սակայն այս անգամ` փոքր ու միջին բիզնեսի վարկավորման համար:

Ինչպես ասել է Տ.Ջրբաշյանը, Ամերիաբանկն ու ՎԶԵԲ-ը մտադիր են երրորդ պայմանագիրը կնքել առեւտրի ֆինանսավորման համար երկու ուղղություններով` առեւտրի ֆինանսավորման համար երաշխիքների տրամադրման եւ վարկային միջոցների ներգրավման ուղղությամբ: Տ.Ջրբաշյանը հավելել է, որ 2010 թվականին բանկը կշարունակի բանակցությունները հեղինակավոր միջազգային ֆինանսական կառույցների հետ:

2009 թվականին Ամերիաբանկը մի շարք պայմանագրեր է կնքել այնպիսի միջազգային ֆինանսական կառույցների հետ, ինչպիսիք են IFC-ը, FMO-ն ու DEG-ը: Նրանց միջոցով ստացված գումարներն ուղղվեցին փոքր ու միջին բիզնեսի ֆինանսավորման, առեւտրի ու վերականգնվող էներհետիկայի ոլորտների ֆինանսավորման:

Ամերիաբանկը Ամերիաբանկ ՓԲԸ-ն ներդրումային բանկ է, որն առաջարկում է կորպորատիվ եւ սահմանափակ մանրածախ բանկային ծառայություններ` տրամադրելով ամբողջական փաթեթ: Ամերիաբանկ ՓԲԸ-ի ռազմավարական գործընկերն է «Տրոյկա -Դիալոգ» ընկերությունների խումբը` ՌԴ ամենամեծ ներդրումային բանկային ընկերություններից մեկը:

Վերակառուցման եւ զարգացման եվրոպական բանկը (ՎԶԵԲ) միջազգային ֆինանսական հաստատություն է, որը նախագծեր է ֆինանսավորում 29 երկրներում` Կենտրոնական Եվրոպայից մինչեւ Միջին Ասիա: Միջոցներ ներդնելով մասնավոր ձեռնարկություններում, որոնց պահանջները չեն կարող լիովին բավարարվել շուկայի կողմից, բանկը նպաստում է ձեռնարկատիրական հատվածի զարգացմանը եւ անցմանը շուկայական տնտեսությանը: ՎԶԵԲ-ի սեփականատերերն են 61 երկիր եւ 2 միջազգային կազմակերպություն: ՎԶԵԲ-ը օգտագործում է իր սերտ կապերը տարածաշրջանների երկրների կառավարությունների, իշխանությունների եւ քաղաքացիական հասարակության ներկայացուցիչների հետ` նպատակ ունենալով բարենպաստ պայմաններ ստեղծել ձեռնակատիրական գործունեության համար:

Բանկը նաեւ խոշորագույն ներդրողներից է Հայաստանում: Բանկի ներդրումները Հայաստանում 2009թ. կազմել են շուրջ 150 մլն դոլար 2008թ. 75 մլն դոլարի դիամց: Մինչ օրս ՎԶԵԲ-ը 335 մլն եվրո է ներդրել Հայաստանի տնտեսության տարբեր ոլորտներում շուրջ 70 ծրագրերի իրականացման համար:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով