«Հայաստան» համահայկական հիմնադրամը սկսել է Աբովյանի ծննդատան ծնարանային-վիրահատական բաժանմունքի հիմնանորոգումը 2 մարտի 2010 - 11:42 AMT PanARMENIAN.Net - «Հայաստան» համահայկական հիմնադրամը փետրվարին սկսել է Կոտայքի մարզի Աբովյան քաղաքի ծննդատան ծնարանային- վիրահատական բաժանմունքի հիմնանորոգման աշխատանքները: Ծրագիրը հովանավորում է Հիմնադրամի Մոնրեալի տեղական մարմինը` ի դեմս կանադահայ բարերարներ Վրեժ եւ Իմաստուհի Նիկողոսյանների: Ինչպես տեղեկացնում է հիմնադրամի հասարակության հետ կապերի բաժինը, քանդման աշխատանքներն ավարտված են, ներկայումս կառուցվում են միջնորմային պատերը: Կնորոգվի բաժանմունքի հատակը, կփոխարինվեն դռներն ու պատուհանները, կիրականացվեն սալիկապատման աշխատանքներ: Ծննդատան գլխավոր բժիշկ Լարիսա Մադոյանի խոսքով` արդեն 25 տարի գործող ծննդատան անմխիթար վիճակը չէր կարող չանդրադառնալ բուժսպասարկման որակի վրա: «Նախեւառաջ բարվոք պայմաններն են, որ մայրերին ապահովության ու վստահության զգացում են ներշնչում, ինչը շատ կարեւոր է թե՛ նորածնի, եւ թե՛ սպասարկող անձնակազմի համար»,- նշեց գլխավոր բժիշկը: Վերջինս նաեւ տեղեկացրեց, որ ընթացիկ տարում ունեցել են 193 ծնունդ: Մարզի 7 քաղաքային եւ շուրջ 60 գյուղական բնակավայրերը սպասարկող ծննդատանը 2009-ին ընդունվել է 1422 ծնունդ, սպասարկվել` 247 ամբուլատոր հիվանդ, վիրահատվել` 347 կին եւ բժշկական խորհրդատվություն ստացել` 17 656 հղի կին: «Մեր այսօրինակ աշխատանքի լավագույն գնահատականը ծնունդների աճն է տվյալ համայնքում»,- ասում է «Հայաստան» համահայկական հիմնադրամի գործադիր տնօրեն Արա Վարդանյանը։ Հատկանշական է, որ առողջապահական ոլորտի ծրագրերի շրջանակում այս պահին ընթանում են նաեւ Երեւանի «Սուրբ Աստվածամայր» բժշկական կենտրոնի ծննդատան նորածնային-հետծննդյան բաժանմունքի, «Նորքի» ինֆեկցիոն կլինիկական հիվանդանոցի «բ» մասնաշենքի, Նոյեմբերյանի հիվանդանոցի հիմնանորոգման, ինչպես նաեւ Գորիս քաղաքում «Զանգեզուր» սրտաբանական կենտրոնի կառուցման աշխատանքները: Ուշագրավ Շենքի շուրջբոլորը ոստիկանությունը պատնեշներ է տեղադրել
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Ամենաընթերցվողը բաժնում | Բաքվի դատարանը 5 ամսով երկարացրել է նաև Ռուբեն Վարդանյանի կալանքը Դատարանը հավանություն է տվել դատախազության միջնորդությանը ՀՀ-ն Կիպրոսում դեսպանություն կբացի Նշվել է, որ դա կնպաստի Հայաստան–Կիպրոս հարաբերությունների հետագա զարգացմանը Փաշինյանը՝ սահմանազատման մասին. Տեղի ունեցածը համարում եմ մեծ հաջողություն Նա նաև կարևորել է, որ սահմանազատումն արվել է 1976 թվականի քարտեզներով Փոխվարչապետի գլխավորած հանձնաժողովի կողմից ապօրինի սահմանազատման վերաբերյալ հաղորդմանն ընթացք է տրվել Հաղորդումը ներկայացրել էր «Հայաքվե» նախաձեռնությունը |