Կոնգրեսական Ադամ Շիֆը հայտարարություն է տարածել Սումգայիթում հայկական ջարդերի 22-ամյակի կապակցությամբ: Այդ մասին PanARMENIAN.Net-ին է հաղորդել կոնգրեսականի մամլո քարտուղար Շոն Օբլակը: Շիֆի հայտարարությունն կընդգրկվի ԱՄՆ Կոնգրեսի նիստերի եւ բանավեճերի պաշտոնական զեկույցում:
«Լրացավ Սումգայիթում հայկական ջարդերի 22-րդ տարելիցը: 1988 թվականի երեք ձմեռային օրերի ընթացքում քաղաքի հայերը բռնության ենթարկվեցին, տասնյակ հայեր սպանվեցին, հարյուրավորները վիրավորվեցին: Այդ հանցագործությունները, որին հակահայկական արշավ հաջորդեց Ադրբեջանի ողջ տարածքում, այդպես էլ երբեք չստացավ համարժեք գնահատական: Ոճրագործության կազմակերպիչները պաշտոններ ստացան Ադրբեջանի կառավարությունում»,-ասվում է ամերիկացի կոնգրեսականի հայտարարության մեջ:
Ինչպես ասվում է հայտարարության մեջ, չնայած պաշտոնական Բաքվի 1988 թվականի իրադարձությունները թաքցնելու ջանքերին, ողջ մնացին հայկական ջարդերի վկաներն ու տուժածները: Կոնգրեսականը հիշեցնում է, որ հայերի զանգվածային սպանությունները Սումգայիթում առավել մեծ ագրեսիայի հանգեցրին Ադրբեջանի ազգային փոքրամասնության դեմ եւ պատերազմ հրահրեցին Լեռնային Ղարաբաղի ժողովրդի դեմ:
«Ապրիլին լրացավ Հայոց ցեղասպանության 95-ամյակը, ոճրագործութուն, որը ժխտում է Ադրբեջանի դաշնակիցը: Ինչպես մենք չենք կարող մոռացության մատնել 20 դարի առաջին ցեղասպանությունը, այդպես էլ չպետք է մոռանանք սումգայիթյան ջարդերի զոհերին»,-ասված է Ադամ Շիֆի հայտարարություն մեջ:
