«HSBC Բանկ Հայաստան» ՓԲԸ-ի շահույթը 2009-ին նվազել է 48 տոկոսով 5 մարտի 2010 - 14:36 AMT PanARMENIAN.Net - Համաշխարհային ֆինանսատնտեսական ճգնաժամի պայմաններում «HSBC Բանկ Հայաստան» ՓԲԸ-ն 2009-ին իր գործունեության արդյունքը լիովին հաջողված է համարում, Երեւանում հայտարարել է բանկի գլխավոր գործադիր տնօրեն Աստրիդ Քլիֆորդը` ամփոփելով 2009-ի գործունեության արդյունքները: Բանկի հրապարակված շահույթը մինչեւ հարկադրումը կազմել է 2.6 մլրդ դրամ, ինչը մոտ 48 տոկոսով ցածր է անցյալ տարվա ցուցանիշից: Բանկի ակտիվներն աճել են 11,5 տոկոսով` կազմելով 136 մլրդ դրամ: Տրամադրված վարկերի ծավալը կրճատվել է մոտ 10 տոկոսով` կազմելով 66 մլրդ դրամ: Դեպոզիտներն աճել են 30 տոկոսով` մինչեւ 111 մլրդ դրամ: Հատկացվող վարկերի ծավալների կրճատումը Քլիֆորդը բացատրել է անցյալ տարի երկրի անկայուն տնտեսական իրադրությամբ: Բանկը հիմնադրվել է 1995 թվականին, իր գործունեությունը սկսել 1996 թվականին` «Միդլենդ Արմենիա Բանկ» ԲԸ անվան տակ, իսկ 1998-ին վերանվանվել է «Էյչ-Էս-Բի-Սի Բանկ Հայաստան» ՓԲԸ ՓԲԸ-ի: Բանկը համատեղ հիմնադրվել է «Էյչ-Էս-Բի-Սի» Խմբի, որին պատկանում են բաժնետոմսերի 70%-ը, եւ սփյուռքահայ ներդրողների կողմից: Բանկը հանդիսանում է Bankmail եւ SWIFT վճարային համակարգերի անդամ: Էյչ-Էս-Բի-Սի Բանկ Հայաստանը «The Banker» առաջատար ամսագրի կողմից ճանաչվել է «Հայաստանում 2009 թվականի բանկ»: Բանկի ձեռքբերումների թվին «The Banker» ամսագիրը դասել է ակտիվների աճը 16,9%ով, ինչպես նաեւ բանկի հետեւողական քաղաքականությունը հաճախորդներին բարձրորակ ծառայություններ մատուցելու ուղղությամբ: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |