 ՀՖՖ նախագահը հանդիպեց ակումբների նախագահների եւ գլխավոր մարզիչների հետ 22 մարտի 2010 - 20:14 AMT PanARMENIAN.Net - Մարտի 22-ին Հայաստանի ֆուտբոլի ֆեդերացիայի (ՀՖՖ) նախագահ Ռուբեն Հայրապետյանը հանդիպում անցկացրեց Բարձրագույն եւ Առաջին խմբերը ներկայացնող ակումբների նախագահների եւ գլխավոր մարզիչների հետ: Հանդիպմանը ներկա էին նաեւ ՀՖՖ Գործկոմի անդամ Լեւոն Հասրաթյանը եւ ՀՖՖ գործադիր տնօրենի տեղակալ Կարեն Դոխոյանը: «Միկա» ակումբի մարզական տնօրեն Արմեն Պետիկյանը հանդիպման ժամանակ հանդես եկավ երկու առաջարկությամբ. առաջինը` առաջնության հանդիպումներն անցկացնել մեկ ընկերության կողմից արտադրված գնդակով, եւ երկրորդը` ոչ թե որակազրկել ֆուտբոլիստին վեց դեղին քարտ ստանալուց հետո, այլ թուլյատրել, որ մասնակցի հանդիպումներին` հետագայում զգուշացումներ ստանալու համար բոլոր տուգանքները թողնելով ուժի մեջ: Մեկ ընկերության կողմից արտադրված գնդակով առաջնության հանդիպումները անցկացնելու առաջարկն ընդունվեց: Այդ հարցը կքննարկվի ՀՖՖ համապատասխան բաժնի կողմից, իսկ երկրորդը` մերժվեց: «Շիրակ» ակումբի փոխնախագահ Անդրանիկ Ադամյանն առաջարկեց Գյումրու պատանեկան թիմերին տրամադրել Ախուրյանի մարզադաշտը, որպեսզի հնարավոր լինի կայուն վիճակում պահպանել Գյումրու «Քաղաքային» մարզադաշտի խոտածածքը: Ռուբեն Հայրապետյանն ակումբների նախագահներին կոչ արեց հատուկ ուշադրություն դարձնել ակումբներում կարգապահության ամրապնդման վրա` հնարավորինս խուսափելով հատկապես մրցավարների հետ միջադեպերից, ինչպես նաեւ երկրպագուների հետ կանոնավորված աշխատանք տանել: Այնուհետեւ ՀՖՖ նախագահը հանդիպեց տեսուչների եւ մրցավարների հետ, որոնք սպասարկելու են Բարձրագույն եւ Առաջին խմբերի առաջնությունների հանդիպումները: Հանդիպման ընթացքում քննարկվեցին տեսչական եւ մրցավարական գործունեության հետ կապված բազմաթիվ հարցեր, հաղորդում է ՀՖՖ պաշտոնական կայքը:   Ուշագրավ Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա Հավանայում կայացել է Ծանրամարտի միջազգային ֆեդերացիայի նիստը Բարսեղյանը ամբողջ 5 կգ-ով առաջ է անցել երկրորդը ճանաչված Սաուդյան Արաբիայի պատվիրակից   Ամենաընթերցվողը բաժնում |  Սյուժե Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
