Ֆարս թե դատ` քննվում է Թեղուտի հայցը23 մարտի 2010 - 17:00 AMT PanARMENIAN.Net - ՀՀ Վարչական դատարանում ռեկորդային արագ ժամանակամիջոցում ավարտվեց ՀՀ կառավարության դեմ «Էկոդար» էկոլոգիական հասարակական կազմակերպության հայցի դատական գործընթացը: Հայցի հիմքում ընկած է պետական մարմինների մի շարք որոշումների բողոքարկումը, որոնք վերաբերում են «ACP» ընկերության(մտնում է ,Vallexե-ի խմբի ընկերությունների մեջ)՝ Թեղուտի պղնձամոլիբդենային հանքավայրի շահագործման ծրագրի հաստատմանը: Հայցը քննելու երկու մերժումներից հետո Վարչական դատարանն այն վարույթ ընդունեց միայն ՀՀ Վճռաբեկ դատարանի որոշումից հետո՝ առաջին նիստը նշանակելով մարտի 23-ին: Նիստին ներկա էին հայցվոր կողմի ներկայացուցիչները, «Էկոդար» կազմակերպությունը, երրորդ կողմը՝ «Vallex» խմբի ընկերությունները, սակայն ներկա չէին կառավարության ներկայացուցիչները, հաղորդում է ԷկոԼուրը: Ինչպես ասվում է հաղորդագրության մեջ, ժամը 11:00-ին դատավոր Արծրուն Միրզոյանը բացեց եւ գործնականորեն անմիջապես փակեց նիստը՝ կողմերից ոչ մեկին խոսք չտրամադրելով: Դատավորը հայտարարեց, որ ՀՀ վարչական դատավարության օրենսգրքի 110 հոդվածի հիման վրա ինքն իրավունք ունի կիրառել արագացված դատավարության ընթացակարգ եւ որոշումը կկարդա մարտի 24-ին՝ ժամը 15:15, առանց դատաքննության անցկացման: Ըստ փաստաբան Հայկ Ալումյանի, ով ներկայացնում է հայցվոր կողմին, օրենքը նախատեսում է արագացված դատավարության կիրառում այն դեպքում, եթե հայցը կամ բացահայտ հիմնավորված է, կամ բացահայտ հիմնավորված չէ: Այս դեպքում հայցադիմումում վիճարկվում են բազմաթիվ փաստեր, եւ առկա են փաստաթղթեր, որոնք հայցվոր կողմը ներկայացրել է որպես ապացույց: Փաստացիորեն դատարանը հրաժարվեց ուսումնասիրել այդ ապացույցները: Ըստ օրենքի՝ պատասխանող կողմը, եթե պետական մարմին է, պարտավոր է տրամադրել հայցադիմումի պատասխան, ինչպես նաեւ տրամադրել տվյալ գործին վերաբերող բոլոր փաստաթղթերը: «Պատասխանող կողմը ոչ միայն ներկայացուցիչ չուղարկեց դատական նիստին, այլ նաեւ չներկայացրեց ո՛չ պատասխան, ո՛չ փաստաթղթեր, այսինքն՝ փաստացիորեն չվիճարկեց մեր կողմից բերված փաստերը: Օրենքով դատարանը կարող է համարել, որ մեր կողմից ներկայացված ապացույցները պատասխանողի կողմից ընդունվում են: Կարելի է ենթադրել, որ այդ ֆարսի նպատակը հանգամանքները թաքցնելն է, որոնք անպայմանորեն մակերես դուրս կգային, եթե հրապարակային դատավարությունը տեղի ունենար»,- ասել է փաստաբանը: Թեղուտի պղնձամոլիբդենային հանքավայր Բնապահպանները պնդում են, որ Թեղուտի պղնձամոլիբդենային հանքավայրի մշակման դեպքում (Լոռու մարզ) բոլոր հարող տարածքները կվերածվեն «մեռյալ գոտու»: Վերջին 15 տարում Հայաստանում զանգվածային անտառհատումների արդյունքում պահպանվել է անտառային տարածքի միայն 6 տոկոսը: Թեղուտի հանքավայրի շահագործման դեպքում կոչնչացվի կուսական անտառի շուրջ 600 հա, ինչն, իր հերթին, բացասաբար կանդրադառնա տարածաշրջանի ֆլորայի ու ֆաունայի վրա: Աղբյուր. «Էկոլուր» Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Սիմոնյանը Ժնևում քննարկումներ է ունեցել Կանադայի սենատի նախագահի և Քաթարի խորհրդարանի փոխխոսնակի հետ Քննարկվել են մի շարք փոխադարձ հետաքրքրություն ներկայացնող հարցեր Միրզոյանը Նիդերլանդների ԱԳ նախարարի հետ հանդիպմանն անդրադարձել է տարածաշրջանային հարցերի Միրզոյանը շեշտել է Ալմաթիի հռչակագրի հիման վրա սահմանազատման հստակության ապահովման կարևորությունը Միրզոյանը ԵԽ մարդու իրավունքների հանձնակատարի հետ հանդիպամնն անդրադարձել է Բաքվում պահվող հայերի ազատ արձակման խնդրին Անդրադարձ է կատարվել նաև հումանիտար բնույթի հարցերի Ճամփորդություն տելեկոմի անցյալով և ապագայով. Վերաբացվել է Կապի թանգարանը Թանգարանում առաջին շրջայցն անցկացրել է ընկերության գլխավոր տնօրեն Հայկ Եսայանը |