Շեմի Ցուր. Հայաստանում Իսրայելին շատ լավ են վերաբերվում 6 ապրիլի 2010 - 20:12 AMT PanARMENIAN.Net - "Հայաստանի ու Իսրայելի միջեւ լավ հարաբերություններ են հաստատվել, մենք թշնամանքի պատճառ չունենք: Հայերն ու հրեաները կողք կողքի ապրում են Սուրբ հողի վրա արդեն մոտ 2000 տարի, ինչը չի կարող չանդրադառնալ միջպետական հարաբերությունների մթնոլորտի վրա: Վերջերս Ամենայն Հայոց Կաթողիկոս Գարեգին Երկրորդը Երուսաղեմ այցելեց ու Երեւան վերադարձավ ընդունելությունից ստացած մեծ ուրախությամբ: Ես հերթական անգամ այցելեցի այնտեղ անցյալ շաբաթ. հրաժեշտ տվեցի կառավարության անդամներին: Վստահեցնում եմ ձեզ, որ Հայաստանում Իսրայելին շատ լավ են վերաբերվում",- այդ մասին հայտնեց Հայաստանում Իսրայելի ոչ ռեզիդենտ-դեսպան Շեմի Ցուրը նախքան հայրենիք մեկնելը: Սակայն, նրա կարծիքով, հայերի եւ ադրբեջանցիների միջեւ բազմամյա հակասությունների արդյունքում Հայաստանում դիվանագիտական աշխատանքը պետք է շատ զգույշ վարվի: "Մասնավորապես, դա վերաբերում է Հայոց ցեղասպանության ճանաչման հարցին: Բայց կարեւոր է նշել, որ այն ամենը, ինչ վերաբերում է Հարավային Կովկասին, Իսրայելում քննարկվում է գերագույն մակարդակով",- ընդգծեց Ցուրը: Դրա հետ մեկտեղ դիվանագետը հիշեցրեց, որ Իսրայելը Հայաստանին աջակցում է մի շարք ոլորտներում, այդ թվում այն ամենում, ինչ վերաբերում է ջրային ռեսուրսների օգտագործմանը, գյուղատնտեսությանն ու բժշկությանը: "Կարծում եմ` տնտեսական հարաբերությունների ակտիվացումը կատալիզատոր կդառնա քաղաքական գործընկերության համար: Հայաստանի փոխարտգործնախարար Շավարշ Քոչարյանը ճիշտ նշեց, որ "երկրների միջեւ լավ հարաբերությունները հարկավոր է լրացնել բովանդակությամբ", այսինքն գործնականորեն խորացնել եւ ընդլայնել համագործակցությունը բոլոր մակարդակներում",- ասաց Շեմի Ցուրը, հաղորդում է IzRus պորտալը:
Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |