Հայաստանի արդյունաբերության ոլորտում առաջին եռամսյակում զգալի աճ է գրանցվել22 ապրիլի 2010 - 14:58 AMT PanARMENIAN.Net - Հայաստանի էկոնոմիկայի նախարարությունը կոնկրետ ձեռնարկությունների դիտարկում է անցկացրել, որը թույլ է տալիս գրանցել աճն արդյունաբերության առանձին հատվածներում, ապրիլի 22-ին կառավարության նիստի ժամանակ հաղորդել է ՀՀ վարչապետ Տիգրան Սարգսյանը: Ամփոփելով առաջին եռամսյակի արդյունքները` Տիգրան Սարգսյանն ասաց, որ ՀՀ Ազգային վիճակագրական ծառայության տվյալներով մանրածախ առևտուրն ավելացել է, և ծառայությունների ծավալն առաջին եռամսյակում շուրջ 6 տոկոսով աճել է: “Արտահանումն ավելացել է 60 տոկոսով, ներմուծումը` 23-ով: Արտահանումն, իհարկե, հիմնականում պայմանավորված է հանքահումքային արդյունաբերության արտահանման ծավալների աճով և համաշխարհային տնտեսության ցուցանիշների բարելավմամբ”,- ասել է նա: ՀՀ վարչապետը նշել է, որ հանքահումքային արդյունաբերությունն ընդհանուր առմամբ աճել է 21 տոկոսով, շինանյութերի արտադրությունը` շուրջ 50 տոկոսով, ընդ որում շինանյութի հիմնական մասն արտահանվել է: Շինանյութերի արտահանումն առաջին եռամսյակում նախորդ տարվա առաջին եռամսյակի համեմատ եռապատկվել է: Քիմիական արդյունաբերությունը նույնպես դրսևորել է լավ ցուցանիշներ. աճել է շուրջ 2.5 անգամ, ընդ որում դա պայմանավորված է նաև դեղագործական ձեռնարկությունների դրական ցուցանիշներով: Նա նաև նշել է, որ ՏՏ ոլորտը շարունակում է աճի տեմպերը պահպանել. աճը շուրջ 3 տոկոս է կազմել առաջին եռամսյակում: Կառավարության ղեկավարն ավելացրել է, որ արձանագրվել է աճ նաև զբոսաշրջության բնագավառում` շուրջ 5 տոկոս, ընդ որում, ուղևորափոխադրումները նախորդ տարվա առաջին եռամսյակի համեմատ նույնպես 5 տոկոսով աճել են: Սրանք միայն ավիացիայի ցուցանիշներն են: Միևնույն ժամանակ նա նշեց, որ դեռևս անկում կա թեթև արդյունաբերության մեջ, փայտաշինության և էլեկտրատեխնիկայի ոլորտներում: ‘Այս երեք ուղղությունների և շինարարության ոլորտում մենք դեռևս անկում ունենք”,- ասել է վարչապետը: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Ադրբեջանում հայտարարել են, որ Ղազախի շրջանում ականի պայթյունից սահմանապահ է վիրավորվել Նշվում է, որ տարածքը, որտեղ տեղի է ունեցել դեպքը, հարում է այն հատվածին, որը «Հայաստանի հետ շփման գիծ էր» ՀՀ–Ադրբեջան սահմանին տեղադրվել է 35 սահմանային սյուն՝ նախատեսված աշխատանքների կեսից ավելին արվել է Նշվում է, որ երկու երկրների փորձագիտական խմբերի աշխատանքները շարունակվում են Կիրանցի բնակիչները կառավարության շենքում հանդիպում են Փաշինյանի հետ Կառավարության շենք է մտել նաև Տավուշի մարզպետ Եվրահանձնաժողովի գլխավոր տնօրենը կժամանի Հայաստան Այցը տարածաշրջանային է |