Լեռնային Ղարաբաղի հակամարտության կարգավորմանը միջնորդության մասին Իրանի առաջարկը գլխավորապես վերաբերում էր Ադրբեջանի, Հայաստանի ու Իրանի արտգործնախարարների միջև հանդիպման անցկացմանը: Այդ մասին Մոսկվայում կայացած ճեպազրույցում հայտնեց ՌԴ ԱԳՆ պաշտոնական ներկայացուցիչ Անդրեյ Նեստերենկոն: "Նման հանդիպմանը մենք, իհարկե, դեմ չենք: Եթե նման հանդիպում կայանա, ըստ երևույթին, հարկավոր է սպասել դրա արդյունքներին և միայն այդ ժամանակ խոսել կարգավորմանն Իրանի միջնորդության հնարավորության մասին",- ասաց Նեստերենկոն:

Ավելի վաղ Իրանի ԱԳՆ-ն հայտարարեց, որ պատրաստ է միջնորդ դառնալ Հայաստանի ու Ադրբեջանի միջև ղարաբաղյան հիմնախնդրի կարգավորման գործում: