  Երևանում մեկնարկել է Հայրենական մեծ պատերազմում հաղթանակի 65-րդ տարեդարձին նվիրված մրցաշարը 5 մայիսի 2010 - 14:21 AMT PanARMENIAN.Net - Մայիսի 5-ին «Դինամո» մարզահամալիրում մեկնարկել է քիքբոքսինգի «Ոչինչ չի մոռացվել, ոչ ոք չի մոռացվել» մրցաշարը` նվիրված Հայրենական մեծ պատերազմում (ՀՄՊ) հաղթանակի 65-րդ տարեդարձին: Մրցաշարը կազմակերպել են Հայաստանի Քիքբոքսինգի ֆեդերացիան և ՀՀ ՊՆ-ն: Մրցաշարի պատվավոր հյուրերը ՀՄՊ պատերազմի վետերաններ են Ապարանից, Արմավիրից, Էջմիածնից, Վարդենիսից և Երևանից: Վետերանները Քիքբոքսինգի ֆեդերացիայից և ՊՆ-ից դրամական պարգևներ են ստացել: Պաշտպանության նախարար Սեյրան Օհանյանը ողջունել է հյուրերին և մրցաշարի մասնակիցներին` մաղթելով հաջողություն: «Մրցաշարը տեղի է ունենում մեր մեծ հաղթանակների նախօրեին, և մենք այսօր շնորհակալություն ենք հայտնում վետերաններին նրանց քաջության համար»,- ասել է Օհանյանը: Մրցաշարին մասնակցում են ավելի քան 400 մարզիկներ Հայաստանի բոլոր մարզերից, այդ թվում` զինծառայողներ հայոց բանակից: Հայաստանի Քիքբոքսինգի ֆեդերացիայի նախագահ Գառնիկ Հայրապետյանը PanARMENAIn.Net-ի թղթակցի հետ զրույցում ասել է, որ մրցաշարի նպատակը մարզիկների մոտ ազգային ոգի և ռազմահայրենասիրական գաղափարներ քարոզելն է: «Հաղթանակի օրվան նվիրված նման մրցաշար մենք կազմակերպում ենք առաջին անգամ և հույս ունենք, որ այն ավանդական կդառնա: Մեր ֆեդերացիան ցանկանում է, որպեսզի հասարակության և բանակի միջև կապն ամուր լինի»,- ասել է Հայրապետյանը: Մրցաշարի արդյունքներով ձևավորվելու է Հայաստանի հավաքականը, որը հունիսի 19-27-ը մասնակցելու է աշխարհի առաջնությանը: Իսկ սեպտեմբերին Գերմանիայում տեղի է ունենալու քիքբոքսինգի Եվրոպայի առաջնությունը:   Ուշագրավ Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա Հավանայում կայացել է Ծանրամարտի միջազգային ֆեդերացիայի նիստը Բարսեղյանը ամբողջ 5 կգ-ով առաջ է անցել երկրորդը ճանաչված Սաուդյան Արաբիայի պատվիրակից   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
