«Արմավիայի» ուղևորների հոսքը 2010թ, առաջին եռամսյակում ավելացել է 4,5 տոկոսով

7 մայիսի 2010 - 16:24 AMT

PanARMENIAN.Net - Այսօրվա դրությամբ «Արմավիա» ընկերությունը փոխադրել է շուրջ 170000 մարդ, մայիսի 7-ին լրագրողներին է հայտնել «Արմավիա» ընկերության գլխավոր տնօրեն Նորայր Բելլույանը: «Դա 4,5 տոկոսով ավելի է, քան նախորդ տարի»,-ասել է նա:

Ինչ վերաբերում է սակագնային քաղաքականությանը, ապա ըստ Բելլույանի, լուրջ փոփոխություններ այս տարի չեն ակնկալվում` բացառությամբ սեզոնային գործոնի: «Ընդհանուր առմամբ, մեր գները բավական էժան են և մատչելի ուղևորների համար»,-ասել է նա:

Անդրադառնալով ընկերության ծրագրերին` Բելլույանն ասել է, որ մինչև ընթացիկ տարվա ավարտը կբացվի ևս 10 նոր ուղղություն: «Առաջիկայում կբացվեն չվերթեր դեպի Վարշավա, Բարսելոնա, Արխանգելսկ և այլ քաղաքներ»,-ասել է նա:

Բելլույանը հավելել է նաև, որ ակտիվ բանակցություններ են ընթանում ամերիկացիների հետ` Լոս Անջելեսի հետ ուղիղ հաղորդակցություն բացելու վերաբերյալ: «Ամեն ինչ կախված է նրանից, թե ինչպես իրեն կդրսևորի հակառակ կողմը, իսկ մենք արդեն թույլտվություն ստացել ենք»,-պարզաբանել է նա:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով