Անդրես ֆոգ Ռասմուսեն. ՆԱՏՕ-ն չի նախատեսում ռազմական միջամտություն ղարաբաղյան հակամարտությանը26 մայիսի 2010 - 10:42 AMT PanARMENIAN.Net - ՆԱՏՕ-ն դեր չի խաղում ղարաբաղյան հակամարտության կարգավորման գործում, դրանով զբաղվում է ԵԱՀԿ Մինսկի խումբը: Այդ մասին Բրյուսելում Հայաստանի նախագահի հետ համատեղ մամլո ասուլիսի ժամանակ հայտարարել է ՆԱՏՕ-ի գլխավոր քարտուղար Անդրես ֆոգ Ռասմուսենը, հաղորդում է PanARMENIAN.Net ի լրագրողը: Մեկնաբանելով ՆԱՏՕ-ի դիրքորոշումը ԼՂՀ խորհրդարանական ընտրությունների հարցում` Ռասմուսենն ասաց, որ ԵԱՀԿ ՄԽ-ն արդեն հայտարարություն արել է ընտրությունների մասին, և Հյուսիսատլանտյան դաշինքն «ի գիտություն է ընդունում այդ հայտարարությունը»: «Իհարկե, մենք բոլորս ցանկանում ենք, որպեսզի այս հարցը լուծվի խաղաղ ճանապարհով»,- ասել է ՆԱՏՕ գլխավոր քարտուղարն, ավելացնելով, որ Դաշինքն ուշադիր հետևում է գործընթացի զարգացմանը: Միաժամանակ նա նշեց, որ ՆԱՏՕ-ն չի նախատեսում ռազմական միջամտություն ղարաբաղյան հակամարտությանը: «Իհարկե, Լեռնային Ղարաբաղը ՆԱՏՕ-ի համար լուրջ մտահոգության առարկա է, բայց մենք մեզ այլ դերում չենք տեսնում, բացի ԵԱՀԿ ՄԽ ջանքերը պաշտպանելուց` ուղղված հակամարտության կարգավորմանը»,- նշել է Ռասմուսենը, հույս հայտնելով, որ այդ ջանքերը շուտով կտան իրենց պտուղները: «Ես նաև հույս ունեմ, որ բարձր մակարդակում կշարունակվեն Հայաստանի և Ադրբեջանի միջև հանդիպումները ԵԱՀԿ ՄԽ շրջանակներում»,- նշել է Ռասմուսենը: Իր հերթին Սերժ Սարգսյանն ասաց, որ իրականում Հայաստանը չի ձգտում մտնել ՆԱՏՕ: «Բայց ես ոչ հիմա, ոչ առաջ չեմ լսել, որ ՆԱՏՕ-ն ընդհանրապես տեղ չունի ղարաբաղյան հակամարտության կարգավորման մեջ, եթե հանկարծ վերսկսվեն պատերազմական գործողությունները»,- ասել է ՀՀ նախագահը: Միաժամանակ նա նշեց, որ Հայաստանը և Ադրբեջանը ԵԽ անդամներ են, և եվրոպական կառույցներն իրականում զբաղվում են նաև ղարաբաղյան հակամարտության կարգավորմամբ: «Որքան գիտեմ, ՆԱՏՕ-ն պատասխանում է Եվրոպայի անվտանգության համար և այլ զինված ուժեր չունի: Այն, ինչ ես ասացի, չի նշանակում, որ եթե վաղը հակամարտություն լինի, ՆԱՏՕ-ն միանշանակ կգա տարածաշրջան: Բայց, կարծում եմ, որ իմ ասածը լիովին հասկանալի է»,- ասել է Սերժ Սարգսյանը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |