Անչափահասների կատարած հանցագործություններն ընթացիկ տարում 21 դեպքով ավելացել են 7 հունիսի 2010 - 13:59 AMT PanARMENIAN.Net - 2009 թ. առաջին 4 ամիսների համեմատ անչափահասների կատարած հանցագործություններն ընթացիկ տարում 21 դեպքով ավելացել են: Այդ մասին այսօր տեղի ունեցած մամլո ասուլիսում հայտարարել է ՀՀ ոստիկանության քրեական հետախուզության գլխավոր վարչության 3-րդ վարչության պետի տեղակալ Նելլի Դուրյանը: Նա նշել է, որ 2009 թվականին անչափահասների կողմից կատարված հանցագործությունների ընդհանուր թիվը կազմել է 532 դեպք, ընդ որում կատարված հիմնական հանցագործություններն են գողությունը, մարմնական վնասներ հասցնելը, շատ ավելի քիչ են առանձնակի ծանր հանցագործությունները: Մինչ օրս նման ծանր հանցագործությունների համար անչափահասների բանտում 25 անչափահաս կա: Դուրյանն ասել է նաև, որ բաժինն ընդլայնել է գործունեությունը. եթե նախկինում նրանք միայն բացահայտում և կանխարգելում էին հանցագործությունները, ապա այսօր աշխատում են նաև անչափահասների հանդեպ բռնության կիրառման կանխարգելման և անչափահասներին նման գործողությունների դրդող անձանց հայտնաբերման ուղղությամբ: Նելլի Դուրյանը նշել է նաև, որ 7 մարզերում բացվել են անչափահասների վերականգնողական կենտրոններ: Ըստ նրա, այլ երկրների համեմատ, Հայաստանն այդ իմաստով բավական բարվոք վիճակում է: Անդրադառնալով մուրացկանության խնդրին` նա ասել է, որ փորձը ցույց է տվել, որ եթե երեխան սկսում է մուրացկանություն անել, ապա հետագայում նա նաև գողության է դիմում: Ըստ Նելլի Դուրյանի, կարելի է արձանագրել, որ հայ երիտասարդների մտածելակերպը որոշ փոփոխություններ է կրել: Եթե 1997թ. հաշվառման են վերցվել 170 մուրացիկներ, ապա 2009-ին նրանց թիվն արդեն 23 էր: Այսօրվա դրությամբ, դրամի կարիք ունեցող երիտասարդությունը գերադասում է աշխատել: Ինչպես հայտնել է ոստիկանության քրեական հետախուզության գլխավոր վարչության 3-րդ վարչության պետի տեղակալը, 2009թ. գրանցվել է անչափահասների հանդեպ բռնության 110 դեպք: Անդրադառնալով անչափահասների հանցագործություններին` նա ասել է, որ դրանք հիմնականում կատարում են տղաները , 2009թ. գրանցվել է 32 դեպք, երբ հանցագործություն են կատարել աղջիկները: Ն.Դուրյանը նշել է նաև, որ վերջին անգամ թրաֆիկինգի դեպք է գրանցվելէ 2008թ., 2009թ. գրանցվել է ինքնասպանության 28 դեպք: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Մայիսի 8–ին Պուտին–Փաշինյան երկկողմ հանդիպում կլինի՝ «քննարկելու շատ հարցեր են կուտակվել» Կրեմլում ակնկալում են, որ բոլոր հարցերն «անկեղծորեն կքննարկվեն առաջնորդների միջև» ՀՀ-ն և Հունգարիան դեսպանություններ կբացեն, մայրաքաղաքների միջև ուղիղ չվերթ կգործի Չվերթը կգործարկվի արդեն հուլիսին Ադրբեջանի հետ սահմանին արդեն սահմանային 40 սյուն է դրվել Երկու երկրների փորձագիտական խմբերի աշխատանքները շարունակվում են Վարչապետի աշխատակազմում անհեթեթ են անվանել Բագրատ սրբազանի՝ ՔՊ բարձրաստիճան անդամների` իրենց միանալու հայտարարությունը «Անհեթեթ է անդրադառնալ նման հարցադրմանը»,–ասել են աշխատակազմից |