Հայաստանում իրագործվող «Կենսական նշանակության ճանապարհների վերականգնում» ծրագիրը հաղթել է ՀԲ մրցույթում 8 հունիսի 2010 - 10:45 AMT PanARMENIAN.Net - Հայաստանի «Կենսական նշանակության ճանապարհների վերականգնում» ծրագիրը ճանաչվել է Համաշխարհային բանկի` «Եվրոպայում և Կենտրոնական Ասիայում մարդկանց կյանքի բարելավման» 2010 թ. մրցույթի 12 հաղթողներից մեկը: Այդ կապակցությամբ հունիսի 7-ին Համաշխարհային բանկի տարածաշրջանային ենթակառուցվածքների ծրագրերի ղեկավար Օլիվյե լը Բերը ՀՀ տրանսպորտի և կապի նախարար Մանուկ Վարդանյանին պատվոգիր է հանձնել, հաղորդում է ՀՀ տրանսպորտի և կապի նախարարության մամլո ծառայությունը: Նախարար Մ.Վարդանյանը, կարևորելով ծրագրի իրականացումը նշել է, որ այն նախապատրաստվել է արագացված ընթացակարգով` աջակցելով Հայաստանի` համաշխարհային տնտեսական ճգնաժամին դիմագրավելու ջանքերին: Ըստ նախարարի, Համաշխարհային բանկի և կառավարության մասնագետները այս վարկային ծրագիրը նախագծել, քննարկել և վավերացրել են յոթ շաբաթվա ընթաքում և այն մոտենում է ավարտին: Նախարար Մ.Վարդանյանը տեղեկացրել է, որ ճանապարհների վերանորոգման աշխատանքների ընթացքում գյուղական համայնքներում ստեղծվել են ժամանակավոր աշխատատեղեր, բարելավվել է հիմնական սոցիալական ծառայությունների հասանելիությունը: Նախատեսված 250 կմ կենսական ճանապարհների ցանցից 150 կմ-ն արդեն վերականգնվել է: Հանդիպման ընթացում կողմերը քննարկել են «Կենսական նշանակության ճանապարհների բարելավում» ծրագրի երկրորդ փուլի իրականացմանն առնչվող հարցեր: Այս ծրագրով նախատեսվում է կառուցել մոտ 190 կմ ճանապարհահատված: Վերջում անդրադարձ է եղել նաև վերանորոգված ճանապարհների անվտանգության, ինչպես նաև կամուրջների վերանորոգման հետ կապված խնդիրներին: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |