  Ռուսաստանի համար Աբխազիայի և Հարավային Օսեթիայի կարգավիճակը վերջնականապես և անդառնալիորեն որոշված է 12 հունիսի 2010 - 11:12 AMT PanARMENIAN.Net - Ռուսաստանի համար Աբխազիայի և Հարավային Օսեթիայի կարգավիճակի հարցը վերջնականապես և անդառնալիորեն լուծված է: Այդ մասին հայտարարել է ՌԴ ԱԳՆ ղեկավար Սերգեյ Լավրովը: «Համարձակություն ունեմ ասելու, որ այն նաև վերջնականապես և անդառնալիորեն լուծված է նաև այլ լուրջ երկրների համար: Ուղղակի, քաղաքական կոռեկտությունից և այլ քաղաքական պատճառներից ելնելով, նրանք չեն կարող դա պաշտոնապես ճանաչել: Ես բազմիցս ասել եմ, որ դա մեր ընտրությունը չէր, և բոլոր հավակնությունները պատկանում են Միխայիլ Սահակաշվիլուն, որը ոտնակոխ արեց Վրաստանի տարածքային ամբողջականությունը: Նա խաչ քաշեց դրա վրա»,- ասել է նախարարը: Միաժամանակ նա հիշեցրեց, որ երբ իրագործվեց ագրեսիան ճնշելու օպերացիա և Ռուսաստանի նախագահը հրաման տվեց դադարեցնել ռազմական օպերացիան, համաձայնեցվեց Մաեդվեդև-Սարկոզի պլանը, որն ընկած էր հետագա գործողությունների հիմքում: «6-րդ կետը ենթադրում էր միջազգային բանավեճի անցկացում Աբխազիայի և Հարավային Օսեթիայի կարգավիճակը որոշելու և անվտանգություն ապահովելու համար: Մենք ստորագրեցինք դրա տակ: Այսինքն 2008-ի օգոստոսի 12-ին ՌԴ նախագահը համաձայնվեց, որ այդ շրջանների կարգավիճակը ենթակա է քննարկման: Մենք ընդհանրապես ոչ մի մտադրություն չունեինք, որն աշխարհաքաղաքական չափում ունենար: Մենք պատրաստ էինք ռազմական գործողությունների ավարտի օրը շարունակել բանավեճն Աբխազիայի և Հարավային Օսեթիայի կարգավիճակի մասին: Փաստաթուղթը համաձայնեցված էր: Ֆրանսիայի նախագահ Նիկոլյա Սարկոզին տարել էր այն Թբիլիսի: Այնուհետև նա զանգահարեց ու ասաց, որ Սահակաշվիլին կտրականապես դեմ է այդ հանրապետությունների կարգավիճակը քննարկելուն, որ նրա համար կարգավիճակը պարզ է և այն պետք է դուրս հանել: Մենք համաձայնվեցինք: Ընդ որում նա մանիպուլյացիայի էր ենթարկում այդ պլանի մյուս կետերը: 6 կետերին նախորդում էր ներածական տեքստ, որում ասվում էր. ՌԴ և Ֆրանսիան հավանություն են տալիս ստորև նշված սկզբունքնրեին և կոչ են անում կողմերին կատարել դրանք: Փաստաթղթում, որն արդյունքում Սահակաշվիլին համաձայնվեց ստորագրել, նա ոչ միայն դուրս բերեց Աբխազիայի և Հարավային Օսեթիայի կարգավիճակի արտահայտությունը, այլ նաև ջնջեց ներածական մասը և հիմա հայտարարում է, որ փաստաթուղթը կոչ է անում դադարեցնել ինչ-որ բաներ, այդ թվում Ռուսաստանին: Այն դեպքում, որ ներածական մասում միանշանակ ասվում էր, որ երկու նախագահները կոչ են անում կողմերին անել այս կան այն: Դրա համար էլ նա անվանեց այդ պլանը Մեդվեդև-Սարկոզի»,- ասել է Սերգեյ Լավրովը, գրում է «Կոմերսանտ» թերթը: Հղումներ թեմայով.    Հարավային Օսիայում զինված հակամարտություն Հարավային Օսիայում զինված հակամարտությունը (2008)` զինված դիմակայությունը, տեղի ունեցավ 2008թ. օգոստոսին մի կողմից Վրաստանի եւ մյուս կողմից Ռուսաստանի ու չճանաչված հանրապետությունների` Հարավային Օսիայի ու Աբխազիայի միջեւ:\r\n\r\n2008թ. օգոստոսի 7-ի լույս 8-ի գիշերը (0:06-ին) վրացական զորքերը սկսեցին Հարավային Օսիայի մայրաքաղաք Ցխինվալի վրա զանգվածային հրետանային հրաձգությունը: Մի քանի ժամ անց սկսվեց քաղաքի պաշարումը վրացական զրահատեխնիկայի եւ հետեւակի ուժերով: Ցխինվալի վրա հարձակման համար, վրացական կողմի հայտարարությունների համաձայն, պաշտոնական պատճառ հանդիսացավ Հարավային Օսիայի կողմից հրադադարի ռեժիմի խախտումը, վերջինս իր հերթին պնդում է, որ առաջինը կրակ բացեց Վրաստանը:\r\n\r\n2008թ. օգոստոսի 8-ին (14:59-ին) հակամարտությանը Հարավային Օսիայի կողմից վրացական կողմին խաղաղության պարտադրելու գործողության շրջանակներում պաշտոնապես միացավ Ռուսաստանը, իսկ 2008թ. օգոստոսի 9-ին Չճանաչված պետությունների համագործակցության անդամների միջեւ ռազմական օգնության համաձայնագրի շրջանակներում` Աբխազիան: 2008թ. օգոստոսի 12-ին Ռուսաստանը պաշտոնապես հայտարարեց վրացական իշխանություններին խաղաղության պարտադրելու գործողության հաջող ավարտի մասին, 2008թ. օգոստոսի 13-ին Աբխազիան պաշտոնապես հայտարարեց վրացական զորքերը Կոդորյան լեռնանցքից դուրս մղելու գործողության ավարտի մասին, որից հետո ակտիվ ռազմական գործողություններն ավարտվեցին:\r\n\r\n2008թ. օգստոսի 14-16 ռազմական գործողությունների մեջ ներգրավված պետությունների ղեկավարները վրացա-հարավօսական հակամարտության խաղաղ կարգավորման ծրագիր ստորագրեցին («Մեդվեդեւի-Սարկոզիի ծրագիր»): Վրաստանը հակամարտությունը սպառված չի համարում` բացատրելով դա Ռուսաստանի կողմից ստորագրված պայմանավորվածությունները խախտելու փաստով:  Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում   Ամենաընթերցվողը բաժնում |  Սյուժե Վերջին լուրեր ՀՀ–Ադրբեջան սահմանին տեղադրվել է 35 սահմանային սյուն՝ նախատեսված աշխատանքների կեսից ավելին արվել է  Նշվում է, որ երկու երկրների փորձագիտական խմբերի աշխատանքները շարունակվում ենԿիրանցի բնակիչները կառավարության շենքում հանդիպում են Փաշինյանի հետ Կառավարության շենք է մտել նաև Տավուշի մարզպետԱՆ․ Տավուշում գործընթացի վերաբերյալ կեղծ թեզեր են հնչում Դրանցից ամենատարածվածներին նախարարությունն անդրադարձել է իրավական տեսանկյունից |
