“”Քլոյ” (Chloe) ֆիլմը ներկայացնում է ամուսնական զույգի երկար տարիների կյանքը, որի արդյունքում զույգերն սկսում են “կորցնել” միմյանց: Մտահոգված կինը մեկ այլ կնոջ է վարձում, որը պետք է ամուսնուն գայթակղի, որպեսզի վերադարձնի կորցրած ինտիմ հարաբերությունները”, - հուլիսի 11-ին տեղի ունեցած մամլո ասուլիսի ժամանակ իր նոր ֆիլմի մասին էր պատմում կանադահայ ռեժիսոր Ատոմ Էգոյանը:
Նա ընդգծել է, որ ֆիլմի աշխատանքներն իրեն մեծ բավականություն են պատճառել, “սակայն միակ վատն այն էր, որ օրը երկու անգամ էրոտիկ թրիլերների մասին սցենարներ էի ստանում, որոնք ոչնչի պետք չէին”: Նա նշել էր, որ նման իրավիճակ ստեղծվել էր նաեւ “Էզոտիկա” ֆիլմի վրա աշխատելիս:
“Մարդիկ մտածում են, թե միշտ միևնույն ֆիլմերը պետք է նկարահանեմ, սակայն իմ աշխատանքները դիտելիս, կհասկանաք, որ իմ յուրաքանչյուր ֆիլմ խիստ տարբերվում է մյուսից”,- ընդգծել է ռեժիսորը: