  ReAnimania փառատոնի շրջանակներում կանցկացվի Ռոբերտ Սահակյանցի հիշատակին նվիրված հուշ-երեկո  30 օգոստոսի 2010 - 18:54 AMTPanARMENIAN.Net - Միջազգային անիմացիոն ReAnimania կինոփառատոնի 25 ծրագրերից բացի, ներկայացվելու է նաև անիմացիոն ֆիլմերի հայ վարպետների մեծարման «Հայկական ներկապնակ» հատուկ ծրագիրը: Այս մասին հայտնել է փառատոնի հիմնադիր և տնօրեն Վրեժ Քասունին` օգոստոսի 30-ին տեղի ունեցած մամլո ասուլիսի ժամանակ: Նրա խոսքերի համաձայն, այս ծրագիրը հայ ռեժիսորներին հատուկ մրցանակներ շնորհելու միջոց չէ միայն: «Մենք հետևում ենք միջազգային կինոփառատոնի ի սկզբանե սահմանված սկզբունքին, ըստ որի փառատոնի շրջանակներում չենք կարող հայկական օրեր անցկացնել: Հավանական է, որ հայ անիմատորների առանձին մի փառատոն անցկացնենք, ReAnimania կինոփառատոնի շրջանակներից դուրս: «Հայկական ներկապնակը» նախատեսում է ամեն օր մեկ ժամ նվիրել Հայաստանի հայտնի անիմատորներին, ովքեր հոբելյան են նշում, ինչպես օրինակ` Լյուդմիլա Սահակյանցը կամ Ստեփան Անդրանիկյանը: Ռոբերտ Սահակյանցի հիշատակին նվիրված առանձին ծրագիրը կանցկացվի փառատոնի շրջանակներում, սեպտեմբերի 10-ին: Ռոբերտ Սահակյանցը եթե ողջ լիներ, այսօր կնշեր իր 60 ամյակը»,- նշել է Վրեժ Քասունին: ReAnimania կինոփառատոնի ծրագրերից հարկ է նշել լիամետրաժ և կարճամետրաժ անիմացիոն ֆիլմեր, դիպլոմային աշխատանքներ և այլ անվանակարգեր: Այս տարի սահմանվել է նաև հատուկ մրցանակ`կարճամետրաժ մուլտֆիլմերի համար հորինված լավագույն երաժշտության համար: «Դա հեղինակներին կդրդի հատուկ կարճամետրաժ ֆիլմերի համար երաժշտություն գրել: Միաժամանակ այն նաև միջազգային փառատոներում լայնորեն տարածված անվանակարգ է», - ընդգծել է Վրեժ Քասունին: ReAnimania միջազգային անիմացիոն կինոփառատոնն առաջին անգամ անց է կացվել 2009 թ.:   Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով   Ամենաընթերցվողը բաժնում |  Վերջին լուրեր Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով  Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքըԿուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձություններըԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալԷրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |
