Jethro Tull-ի երևանյան համերգի հատուկ հյուրը կլինի հայկական «Դոգմա» ռոք խումբը24 սեպտեմբերի 2010 - 16:56 AMT PanARMENIAN.Net - Տեղի է ունեցել աշխարհահռչակ Jethro Tull ռոք խմբի համերգի գլխավոր փորձը: Համերգը կկայանա սեպտեմբերի 24-ին: Խումբը հանդես է գալիս Երևանում արդեն երկրորդ անգամ: Երկու համերգների կազմակերպիչն է «Վիբրոգրաֆուս» ընկերությունը: Ինչպես նշել է PanARMENIAN.Net ի թղթակցի հետ զրույցում ընկերության ղեկավար Վարդան Գրիգորյանը, սա եզակի համերգ է, քանի որ հատուկ հյուրի կարգավիճակով հանդես կգան նաև հայկական «Դոգմա» ռոք խմբի երաժիշտները: ««Դոգմա» ռոք խմբի ստեղծագործությանը Յան Անդերսոնը ծանոթացել է միանգամայն պատահաբար, լսելով նրանց ձայնագրությունները Երևանում: Խումբն այնքան է նրան դուր եկել, որ նա բազմիցս է հրավիրել նրանց իր համերգներին աշխարհի տարբեր երկրներում: Սակայն համատեղ ելույթ այդպես էլ չեղավ»,-ասել է Վարդան Գրիգորյանը: Նա հավելել է նաև, որ համերգին հանդես կգա նաև «Սերենադ» համույթը և Հայաստանի ֆիլհարմոնիկ նվագախմբի փողային կազմը, որը կղեկավարի Jethro Tull-ի անդամ Ջոն Օ՝Հարան: Վարդան Գրիգորյանը նշել է նաև, որ քանի որ երաժիշտը շատ բարձր է գնահատել հայկական ռոք խումբը, ապա չի բացառվում նրանց հետագա համագործակցությունը և նոր նախագծերը: «Սա լավ շանս է հայկական խմբերի համար աշխարհում ճանաչում ձեռք բերելու համար»,-ասել է Վարդանյանը՝ հավելելով, որ Jethro Tull-ի պաշտոնական կայքում այդ խմբի մենակատարը շատ բարձր կարծիք է հայտնում «Դոգմա» խմբի մասին: Jethro Tull-ի համերգը, որ կայանալու է «ռոքն ընդդեմ ցեղասպանության» փառատոնի շրջանակներում, կազմակերպվել է «Լույս» հիմնադրամի և Ամերիաբանկի աջակցությամբ: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |