  Աշխարհասփյուռ հայերը միասնական կառույցո՞վ կներկայանան աշխարհին 4 հոկտեմբերի 2010 - 17:00 AMTPanARMENIAN.Net - Հարավային Կալիֆորնիայի համալսարանի (ՀԿՀ-USC) Հայկական ուսումնասիրությունների ինստիտուտը նախաձեռնում է «Հայկական Սփյուռք. ընտրովի ղեկավարություն և համաշխարհային կառույց» խորագիրը կրող գիտաժողով` հայկական միասնությանը նպաստող ռազմավարության մշակման նպատակով: Մեկօրյա գիտաժողովը տեղի կունենա շաբաթ օրը, նոյեմբերի 20-ին, համալսարանի Town & Gown սրահում: Գիտաժողովի մասնակիցները կդիտարկեն աշխարհասփյուռ հայերի միասնական կառույց հիմնադրելու հնարավորությունը, որը կկարողանա ներկայացնել համայն աշխարհի հայությանը` բացառությամբ Հայաստանի և Արցախի հայերի, որոնք արդեն ընտրովի կառավարություններ ունեն: Ընտրված ներկայացուցիչների այսպիսի հավաքական մարմինը կարող է իրավացիորեն հայտարարել, որ ներկայացնում է Սփյուռքի հայությանը: «Հայերն ազգային միասնության անխոնջ ջատագովներ են, և նույնիսկ կարելի է ասել, որ նրանք համակված են այս վեհ գաղափարով: Սակայն, հակառակ հայ ժողովրդի միասնականության վերաբերյալ գեղեցիկ ճառերին, բոցաշունչ բանաստեղծություններին ու հայրենասիրական երգերին, այս բաղձալի երազանքը դեռևս մնում է անհասանելի: Անգամ օրհասական պահերին հայերը մնացել են անմիաբան ու անհաշտ», ասում է «Կալիֆորնիա կուրիեր» թերթի հրատարակիչ Հարութ Սասունյանը: Ընտրված ղեկավարությունը, առաջին անգամ լինելով կարող է միջազգային մի կազմակերպություն ստեղծել` հզոր քաղաքական և տնտեսական կարողությամբ, որն ի վիճակի կլինի նպաստել հայկական շահերին, պահպանել մշակութային արժեքներն ու պաշտպանել հայության իրավունքները: Գիտաժողովի բանախոսներն են` Կալիֆորնիայի նախկին նահանգապետ Ջորջ Դեքմեջյանը, Հայաստանում ԱՄՆ նախկին դեսպան Ջոն Էվանսը, փաստաբան Մարկ Գիրագոսը, «Կալիֆորնիա կուրիեր» թերթի հրատարակիչ Հարութ Սասունյանը, լրագրող և հեղինակ Մարկ Արաքսը, պրոֆեսոր Հրայր Դեքմեջյանը (ՀԿՀ), պրոֆեսոր Ստեփան Հ. Աստուրյանը (Կալիֆորնիայի համալսարան, Բերքլի), դոկտոր Կայծ Մինասյանը (Ռազմավարական հետազոտությունների հիմնադրամ, Փարիզ), Արշալույս Ճգնավորյան-Ազենբաուերը (ավագ խորհրդական, Միավորված ազգերի կազմակերպություն, Վիեննա), պրոֆեսոր Լևոն Մարաշլյան (Գլենդեյլի համայնքային քոլեջ) և պրոֆեսոր Էնդրյու Դեմիրճյանը (Կալիֆորնիայի նահանգի համալսարան, Լոնգ Բիչ):   Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում   |  Սյուժե Վերջին լուրեր Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը  Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնումՓաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանըՈւրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ինՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |
